कै. रसिका महाविद्यालयाच्या विद्यार्थिनींची विद्यापीठ क्रॉस कंट्री संघात निवड

देवणी (प्रतिनिधी) : कै. रसिका महाविद्यालयातील कांबळे अंकिता ( बी.एससी. प्रथम वर्ष ) व कांबळे निकिता ( बी.एससी. प्रथम वर्ष ) या दोन्ही विद्यार्थिनींची स्वामी रामानंद तीर्थ मराठवाडा विद्यापीठाच्या क्रॉस कंट्री संघात निवड झालेली आहे. अखिल भारतीय आंतरविद्यापीठ क्रॉस कंट्री स्पर्धा दिनांक 09 ते 10 मार्च 2024 या कालावधीमध्ये स्वामी रामानंद तीर्थ मराठवाडा विद्यापीठ, नांदेड अंतर्गत ज्ञानोपासक महाविद्यालय, परभणी येथे होत आहेत.या स्पर्धेत स्वामी रामानंद तीर्थ मराठवाडा विद्यापीठाचे प्रतिनिधित्व करण्यासाठी अंकिता कांबळे व निकिता कांबळे या विद्यार्थिनीची विद्यापीठ संघात निवड झाली आहे. या खेळाडूस प्रा.डॉ. सचिन चामले यांचे मार्गदर्शन लाभले आहे. या खेळाडूंची विद्यापीठ संघात निवड झाल्याबद्दल संस्थाअध्यक्ष मा.श्री. गोविंदरावजी भोपणीकर साहेब, सचिव मा.श्री. गजाननजी भोपणीकर साहेब, व सर्व संस्था पदाधिकाऱ्यांतर्फे तसेच प्राचार्य डॉ. चंद्रकांत जावळे व महाविद्यालयातील सर्व प्राध्यापक व शिक्षकेत्तर कर्मचारी यांनी खेळाडूंचे अभिनंदन केलेले आहे. व पुढील स्पर्धेसाठी खेळाडूंना शुभेच्छा दिल्या आहेत.