तलाठी सज्जा शेकापुर येथे मतदार जनजागृती

उदगीर. (एल.पी.उगीले) : तालुकयातील शेकापुर,करखेली,हैबतपुर येथे प्रशासनाच्या वतीने मतदार जनजागृती अभियान राबविण्यात आले. आगामी लोकसभा निवडणुकीच्या पार्श्वभूमीवर उपविभागीय अधिकारी सुंशात शिंदे यांच्या संकल्पनेतून तहसीलदार राम बोरगांवकर यांच्या मार्गदर्शनाखाली मतदार जनजागृती कार्यक्रम उदगीर तालुक्यात राबविण्यात येत आहे. त्याचाच एक भाग म्हणून देवर्जन मंडळ अंतर्गत शेकापुर, हैबतपुर, करखेली या गावात मतदार जनजागृती कार्यक्रम राबविण्यात आला. यावेळी मंडळ अधिकारी, बी. एल.ओ.तसेच सरपंच, ग्रामसेवक , तलाठी यांनी गावांमध्ये जाऊन मतदानाचे महत्त्व पटवुन देऊन येणाऱ्या सुविधाची माहिती दिली.