सकल मराठा समाजाच्या वतीने आंदोलकावरील गुन्हे परत घेण्याबाबत उपजिल्हाधिकारी यांच्यामार्फत राज्यपालाना निवेदन

उदगीर (एल.पी.उगीले) : जळकोट, देवणी व उदगीर तालुक्यातील मराठा आंदोलकावर बेकायदेशररित्या दाखल झालेले गुन्हे तात्काळ मागे घेण्यात यावे. याबाबत सकल मराठा समाजाच्या वतीने निवेदन देण्यात आले. तसेच सकल मराठा समाजाला ओबीसी मधून आरक्षण मिळावे, यासाठी महाराष्ट्रभर मनोज जरांगे पाटील यांच्या नेतृत्वाखाली प्रशासनाची परवानगी घेऊन व प्रशासनाला सहकार्य करीत शांततेच्या मार्गाने रास्ता रोको आंदोलन केले होते. त्याबद्दल पोलीस प्रशासन तसेच वरिष्ठांना कळविण्यात आले होते. या संदर्भात कुठेही अनुचित प्रकार घडला नव्हता. तरीही आंदोलकावर वीस बावीस दिवसानंतर जळकोट, देवणी, उदगीर तालुका येथील युवकावर व कार्यकर्त्यावर बेकायदेशीर रित्या गुन्हे दाखल करण्यात आलेले आहेत. या संदर्भात तात्काळ गुन्हे मागे घ्यावेत, अन्यथा समाजा रोष सहन करावा लागेल. समाज आंदोलकाच्या भूमिकेत आल्यास होणाऱ्या परिणामास सर्वस्वी शासन जबाबदार असेल. असे उदगीर उपविभागीय अधिकारी व तहसीलदार मार्फत राज्यपाल रमेश बैस यांना निवेदन देण्यात आले. यावेळी दत्ता पाटील, गोविंद बिरादार ,राम रावणगावे, नितीन मोरतळे, सतीश पाटील मानकिकर, राहुल बिरादार ,बाबासाहेब पाटील, आकाश माने, चिखले देविदास, विठ्ठल महाराज, गोपीनाथ बिरादार, दिनकर बिरादार ,प्रशांत बिरादार, राहुल अतणुरे, प्रमोद काळोजी, दत्ता सागर , कबनुरे भानुदास, अमोल पाटील ,पंकज कालनी ,पवन ढोबळे, शंकर मोरे इत्यादींच्या स्वाक्षरीने सदरील निवेदन देण्यात आले आहे.