महाराष्ट्रात सर्वप्रथम आल्याबद्दल कु.भक्ती सिद्धेश्वर पटणे ना. संजयजी बनसोडे यांच्या हस्ते सत्कार

उदगीर (एल.पी.उगीले) : येथील इच्छापूर्ती कोचिंग क्लासेस चे संचालक प्रा सिद्धेश्वर गुंडप्पा पटणे यांची सुकन्या कु.भक्ती पटणे हिने पुणे येथे पार पडलेल्या राज्यस्तरीय स्कुल संसद स्पर्धेत महाराष्ट्रातून निवडक 50 शाळेतून आलेल्या विद्यार्थ्यांमधून तीन दिवस चाललेल्या विविध स्पर्धेत प्रथम क्रमांक पटकावला आहे. त्याच बरोबर रंगकर्मी प्रतिष्ठानच्या वतीने घेण्यात आलेल्या राज्यस्तरीय निबंध स्पर्धेतही महाराष्ट्रात सर्वप्रथम क्रमांक पटकवला आहे. तिच्या या दुहेरी यशाबद्दल व तीने उदगीरचे नाव महाराष्ट्रभर गाजवल्या बद्दल कु.भक्ती पटने हिचा क्रीडा व युवक कल्याण मंत्री ना.संजय बनसोडे यांच्या हस्ते सत्कार करण्यात आला. यावेळी खासदार सुधाकरराव शृंगारे, माजी आमदार गोविंदआण्णा केंद्रे, माजी आमदार सुधाकरराव भालेराव, माजी जि.प.अध्यक्ष राहुलभैय्या केंद्रे, माजी जि.प.उपाध्यक्ष रामभाऊ तिरुके, भाजपचे शहराध्यक्ष मनोज पुदाले, माजी जि.प.सदस्य,प्रा.पंडित सूर्यवंशी, भाजपा युवा मोर्चाचे जिल्हा अध्यक्ष अमोल निडवदे इत्यादी मान्यवर उपस्थित होते. कु.भक्तीच्या या राज्यस्तरीय दुहेरी यशाबद्दल सर्व स्तरातून तिच्यावर अभिनंदनाचा व कौतुचा वर्षाव होत आहे.