महात्मा फुले महाविद्यालयात स्वातंत्र्यवीर सावरकरांची जयंती साजरी

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने स्वातंत्र्यवीर विनायक दामोदर सावरकर यांची जयंती मोठ्या उत्साहात साजरी करण्यात आली. याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या स्वातंत्र्यवीर सावरकर जयंती कार्यक्रमाच्या अध्यक्षस्थानी राष्ट्रीय सेवा योजनेचे कार्यक्रमाधिकारी डॉ. बी.के. मोरे हे होते तर पुण्यश्लोक अहिल्यादेवी होळकर महाविद्यालय राणीसावरगाव येथील भूगोल विभागाचे प्रा. डी. आय. पाठण यांची प्रमुख उपस्थिती होती. यावेळी मान्यवरांच्या हस्ते स्वातंत्र्यवीर सावरकर यांच्या प्रतिमेस पुष्प अर्पण करून अभिवादन करण्यात आले.
या कार्यक्रमाचे प्रास्ताविक सांस्कृतिक विभाग प्रमुख डॉ. पांडुरंग चिलगर यांनी केले तर आभार व मारोती कसाब यांनी मानले. यावेळी प्रो. डॉ. अभिजीत मोरे, डॉ. सतीश ससाणे, डॉ.डी. एन. माने, डॉ. संतोष पाटील, डॉ. दत्ता कांबळे, प्रशांत डोंगळीकर, अजय मुरमुरे, चंद्रकांत धुमाळे, चंद्रकांत शिंपी यांच्यासह महाविद्यालयातील प्राध्यापक, कार्यालयीन कर्मचारी मोठ्या संख्येने उपस्थित होते.