काळेगाव शिवारात अवकाळी पावसात विज पडून दोन बैलांचा मृत्यु

अहमदपूर (गोविंद काळे) : शहरापासुन जवळच असलेल्या अहमदपूर-काळेगाव रोडवरील काळेगाव साठवण तलावाजवळ दि २ जुन रोजी दुपारी ४ : ०० वाजता सोसाट्याच्या वाऱ्यासोबत विजेच्या कडकडाटासह अचानक आलेल्या अवकाळी पावसामुळे विज पडून एका शेतकऱ्याच्या दोन बैलांचा जागीच मृत्यु झाला असुन शेतकरी मात्र यातुन बालंबाल बचावला आहे
याविषयी सविस्तर माहिती अशी की, शहरापासुन जवळवच असलेल्या अहमदपूर – काळेगाव रोडवरील काळेगाव साठवण तलावाजवळ शेतकरी उमाजी हरणे यांची जमिन असुन ते नेहमीप्रमाणे शेतातील बैल बांधण्याच्या पत्र्याच्या शेड मधील आपली दोन बैल शेण खत काढण्यासाठी शेड पासुन जवळच २५ फुट अंतरावर बांधली होती दि २ जुन रोजी दुपारी ४ .०० वाजता अचानक आलेल्या सोसाट्याच्या वाऱ्यासोबत विजेच्या कडकडासह अवकाळी पावसामुळे विज पडून दोन बैलांचा जागीच मृत्यु झाला असुन शेतकऱ्याचे २ लाखाचे नुकसान झाले आहे सुदैवाने जवळच पत्र्याच्या शेडमधील शेतकरी उमाजी हरणे बालंबाल बचावले

कोट: – दुपारी चार च्या सुमारास अचानक आलेल्या अवकाळी पावसाने अहमदपूर शिवारातील काळेगाव साठवण तलावाजवळ उमाजी गुणाजी हरणे यांची दोन बैल वीज पडून मरण पावली आहे याचा जाय मोक्यावर प्रथम दर्शनी पाहणी केली असता जाय मोक्यावरील उपस्थित पंचांनी विज पडून दोन बैल जोडी मयतच झाल्याचे सांगितले. शेतकरी उमाजी हरणे यांना शासनाकडून योग्य ती मदत मिळेल अशी माहिती तलाठी गुपिले एम.जे. आणि मंडळ अधिकारी अहमदपूर श्री केंचे यांनी दिली.