सम्राट चंद्रगुप्त मौर्य इंटरनॅश्नल स्कूल मध्ये दहीहंडी उत्साहात साजरी
सम्राट चंद्रगुप्त मौर्य इंटरनॅश्नल स्कूल मध्ये दहीहंडी उत्साहात साजरी
अहमदपूर (गोविंद काळे) : तालुक्यातील रुध्दा येथील सम्राट चंद्रगुप्त मौर्य इंटरनॅश्नल स्कूल, रुद्धा ता.अहमदपूर येथे दि. २७ ऑगस्ट रोजी गोकुळाष्टमीनिमित्त दहीहंडी चे आयोजन करण्यात आले होते .
या कार्यक्रमामध्ये विद्यार्थ्यांनी राधा-कृष्ण गोपिका बालगोपाल यांची वेशभूषा परिधान करून नृत्य सादर केले. या कार्यक्रमात मुले आणि मुली असे दोन गोविंदापथक होते. यामध्ये दहीहंडी फोडण्यात मुलींच्या पथकाने प्रथम क्रमांक पटकवला. यावेळी संचालक कुलदीप हाके पाटील व संचालिका सौ.शिवालिका कुलदीप हाके पाटील यांचीही प्रमुख उपस्थिती होती.
या दहीहंडी कार्यक्रमांमध्ये सहभागी सर्व गोविंदा पथकाचे संस्था अध्यक्ष श्री गणेश हाके यांच्याकडून कौतुक करून शुभेच्छा देण्यात आल्या.
या दहीहंडी चे मनोरे उभारण्याचे प्रशिक्षण शाळेतील क्रीडा शिक्षक मोसिन शेख सर व आकाश बनसोडे सर यांनी दिले. परंपरेनुसार गोपाळकाला प्रसाद म्हणून तयार करण्यात आला होता. या कार्यक्रमाप्रसंगी शाळेचे मुख्याध्यापक हरीदास सर सर्व शिक्षक व शिक्षकेतर कर्मचारी यांचे मोलाचे योगदान लाभले. आणि हाथी घोडा, पालकी जय कन्हैया लाल की, गोविंदा रे गोपाला अशा जय घोषात कार्यक्रमाची सांगता झाली.
About The Author
