संत ज्ञानेश्वर विद्यालयात स्व सुरक्षेबाबत समुपदेशन
संत ज्ञानेश्वर विद्यालयात स्व सुरक्षेबाबत समुपदेशन
अहमदपूर (गोविंद काळे) : येथील संत ज्ञानेश्वर विद्यालयात दिनांक 31 ऑगस्ट 2024 रोजी इनरव्हील क्लब अहमदपूर व ग्रामीण रुग्णालय अहमदपूर यांच्या संयुक्त विद्यमाने शालेय विद्यार्थ्यांना स्व सुरक्षेबाबत समुपदेशन करण्यात आले. कार्यक्रमाच्या अध्यक्षस्थानी इनर व्हील क्लबच्या अध्यक्षा विजया भूसारे-रोडगे होत्या तर प्रमुख मार्गदर्शक म्हणून ग्रामीण रुग्णालय अहमदपूरचे समुपदेशक गणेश स्वामी हे उपस्थित होते.प्रमुख अतिथी म्हणून मुख्याध्यापक आशा रोडगे मुख्याध्यापक मीना तोवर सह मान्यवर उपस्थित होते.
प्रथमतः उपस्थित मान्यवरांचे विद्यालयाच्या वतीने शाल व वृक्षाचे रोपटे देऊन सत्कार करण्यात आला. त्यानंतर मार्गदर्शक समुपदेशक गणेश स्वामी यांनी विद्यार्थ्यांना स्व सुरक्षा ,गुड टच, बॅड टच, पोषक आहार इत्यादी बाबत सविस्तर मार्गदर्शन केले. तसेच इनरव्हील क्लब च्या अध्यक्षा विजयाताई भुसारे यांनी विद्यार्थ्यांना स्व सुरक्षेबद्दल माहिती देवून मानसिक आरोग्य व शारीरिक आरोग्य सुदृढ ठेवण्याचे आवाहन केले.
सदरील कार्यक्रमाचे प्रास्ताविक शाळेच्या मुख्याध्यापिका आशा रोडगे यांनी केले तर सूत्रसंचालन संगीता आबंदे यांनी तर आभार मुख्याध्यापक मीना तोवर यांनी मानले शेवटी पसायदान घेऊन कार्यक्रमाची सांगता करण्यात आली.
About The Author
