गणेश हाके भाजपा प्रवक्ते यांच्या वाढदिवसानिमित्त शैक्षणिक साहित्याचे वाटप
गणेश हाके भाजपा प्रवक्ते यांच्या वाढदिवसानिमित्त शैक्षणिक साहित्याचे वाटप
अहमदपूर (गोविंद काळे) : तालुक्यातील रुद्धा येथील जिल्हा परिषद प्राथमिक शाळेमध्ये 5 सप्टेंबर शिक्षक दिनाचे औचित्य साधून सर्वप्रथम मान्यवरांच्या उपस्थितीमध्ये डॉ. सर्वपल्ली राधाकृष्णन यांच्या प्रतिमेचे पूजन करण्यात आले. यानंतर सर्व उपस्थित मान्यवरांचे स्वागत केले. व शिक्षक दिनानिमित्त शाळेतील सर्व शिक्षकांचे मान्यवरांच्या हस्ते सत्कार करण्यात आला.
गुरुवंदना हे गीत विद्यार्थ्यांनी सादर करून कार्यक्रमाला सुरुवात करण्यात आली. या कार्यक्रमासाठी अध्यक्ष म्हणून कुलदीप हाके यांची उपस्थिती होती तर प्रमुख पाहुणे म्हणून प्रा. हनुमंत देवकते, माणिक नरवटे, प्रफुल ढवळे, अजय भालेराव हे उपस्थित होते.
या कार्यक्रमाचे प्रास्ताविक मनोगत व्यक्त करताना उपसरपंच नाथराव केंद्रे यांनी सर्व शिक्षकांना शिक्षक दिनाच्या शुभेच्छा दिल्या.
कार्यक्रमाच्या अध्यक्ष स्थानावरून बोलताना कुलदीप हाके म्हणाले जीवनामध्ये लहान मोठा जो ई व्यक्ती भेटेल तो आपल्याला काही ना काही शिकवून देत असतो त्यामुळे सर्व गुरुवर्यांचे शिक्षक दिनानिमित्त कृतज्ञता व्यक्त केली.
यानंतर भाजपा प्रदेश प्रवक्ते गणेश हाके यांच्या वाढदिवसानिमित्त शाळेमधील सर्व विद्यार्थ्यांना शैक्षणिक साहित्याचे वाटप मान्यवरांच्या हस्ते करण्यात आले.
या कार्यक्रमांमध्ये मुख्याध्यापिका साखे मॅडम, सहशिक्षक गुळवे सर,सहशिक्षक नायनवाड सर, सहशिक्षक माने सर, अंगणवाडी ताई ज्योती बदने, खाऊताई देऊताई चंदेवाड यांचा शिक्षक दिनानिमित्त सत्कार करण्यात आला.
या कार्यक्रमासाठी सरपंच गजानन चंदेवाड, वेणूताई केंद्रे जयश्री केंद्रे कविता सुरनर तर शिवरतन केंद्रे अध्यक्ष शालेय व्यवस्थापन समिती, नारायण केंद्रे, अरविंद देवकते, सतीश केंद्रे,श्याम गीते आदी उपस्थित होते. कार्यक्रमाचे सूत्रसंचालन सतीश केंद्रे तर आभार सरपंच गजानन चंदेवाड यांनी मांडले.
About The Author
