अहमदपूर ( गोविंद काळे ) : तालुक्यातील रुदया येथील सम्राट चंद्रगुप्त मौर्य इंटरनॅश्नल स्कूल, रुद्धा ता.अहमदपूर येथे काल दि. 24/12/2024 रोजी साने गुरुजी व ख्रिसमस दिन मोठ्या उत्साहात साजरा करण्यात आला. या कार्यक्रमासाठी अध्यक्ष म्हणून संचालक कुलदीप हाके पाटील व संचालिका सौ.शिवालिका कुलदीप हाके पाटील उपस्थित होत्या. या कार्यक्रमामध्ये शाळेचे संचालक कुलदीप हाके पाटील यांनी साने गुरुजी यांचे अनमोल विचार मांडले व ते जीवनात आत्मसात सुद्धा करावेत असा संदेश दिला. ख्रिसमस दिनानिमित्त ख्रिसमस वेशभूषा परिधान करून डान्स,नाटक , वकृत्व अशा प्रकारच्या विविध माध्यमातून ख्रिसमस दिन साजरा करण्यात आला. आणि विद्यार्थ्याच्या हस्ते केक कापण्यात आला. कार्यक्रमाचे प्रास्ताविक शाळेचे मुख्याध्यापक हरिदास सर यांनी केले व सूत्रसंचालन विद्यार्थी प्रतिनिधी भावेश तेलंग यांनी केले तसेच विद्यार्थ्यांनी साने गुरुजीच्या जीवनावर भाषणे सादर केली. या कार्यक्रमाच्या यशस्वीतेसाठी शाळेचे सर्व शिक्षक व शिक्षेकेत्तर कर्मचारी यांचे मोलाचे योगदान लाभले.
