सिद्धेश्वर पाटील एक कर्तबगार सभापती – प्रा. सिद्धेश्वर पटणे
उदगीर ( एल. पी. उगिले ) : कृषी उत्पन्न बाजार समिती उदगीरचे सभापती सिध्देश्वर उर्फ मुन्ना पाटील हे एक अतिशय दिलदार, दमदार व सदाबहार सभापती असून सिद्धेश्वरजी उर्फ मुन्ना पाटील हे अतिशय दयाळू, दानशूर, आदर्श व अजातशत्रू राजकीय व सामाजिक व्यक्तिमत्व आहेत. त्यांचा आदर्श इतरांनी घ्यावा, असे गौरवोद्गार बसव ब्रिगेडचे जिल्हा अध्यक्ष तथा पीटीएचे तालुका अध्यक्ष प्रा.सिध्देश्वर पटणे यांनी काढले. इच्छापूर्ती कोचिंग क्लासेस व श्री रत्नगंगा केमिस्ट्री क्लासेसच्या वतीने हॉटेल अतिथी येथे आयोजित सिद्धेश्वर पाटील यांच्या वाढदिवस समारंभात ते बोलत होते.
सुरुवातीला सहकारमहर्षी चंदरआण्णा वैजापुरे व सौ.लक्ष्मीबाई वैजापुरे यांच्या हस्ते शाल व पुष्पहार घालून तर नंतर श्री.रविंद्र पाटील, प्रा.सिद्धेश्वर पटणे, व प्रा. प्रदिप वीरकपाळे यांच्या वतीने गणरायाची मूर्ती व गुलदस्ता देऊन सिद्धेश्वरजी पाटील व त्याच्या अर्धांगीनी सौ.संजीवनी पाटील यांचा सत्कार करण्यात आला. त्यानंतर केक कापून वाढदिवस साजरा करण्यात आला.
या वाढदिवस समारंभाच्या अध्यक्षस्थानी सहकार महर्षी चंद्रकांतआण्णा वैजापुरे हे होते तर प्रमुख पाहुणे म्हणून रविंद्र पाटील साकोळकर, रमेश पाटील तोगरीकर, सुभाषआण्णा नागठाणे, द्वासे आप्पा, पीटीएचे राज्य उपाध्यक्ष प्रा.गोपाळकृष्ण घोडके, द्वारकादासचे मालक जगन्नाथराव मोरे, बालाजी पाटील नेत्रगावकर, चंदरआण्णा प्रतिष्ठानचे अध्यक्ष श्रीकांत पाटील, डॉ. संजय बिरादार, वैजनाथ पटवारी, उमाकांत सिद्धेश्वरे, इंजि.राजेश पटवारी, इंजि.अतुल चवळे, राहुल पाटील मलकापूरकर, महाराष्ट्र बसव परिषदेचे जिल्हा अध्यक्ष कुणाल बागबंदे, बसव ब्रिगेडचे जिल्हा अध्यक्ष तथा पीटीएचे तालुका अध्यक्ष प्रा.सिद्धेश्वर पटणे, पीटीएचे सचिव प्रा.पप्रदीप वीरकपाळे, बामणीचे सरपंच राजकुमार बिरादार, शेतकरी ब्रिगेडचे अध्यक्ष प्रा.दत्ता खंकरे, हेरचे उपसरपंच बेंबडे मामा, राजूआण्णा तवंडे, राम कदम, ग्रामसेवक संतोष पाटील, ज्ञानेश्वर सावळे, प्रा.पांडुरंग फड इत्यादी मान्यवर व मोठया प्रमाणात महिला उपस्थित होत्या. या कार्यक्रमाचे सुत्रसंचलन व प्रास्ताविक प्रा. सिद्धेश्वर पटणे यांनी तर आभार प्रदर्शन प्रा. प्रदीप वीरकपाळे यांनी केले.
About The Author
