अनंतपाळ नूतन विद्यालयात वृक्ष लागवड

शिरुर अनंतपाळ (प्रतिनिधी) : शहरातील श्री अनंतपाळ नूतन विद्यालयात जि.प.च्या उपाध्यक्षा भारतबाई साळुंके व कृषी सभापती गोविंदराव चिलकुरे यांच्या हस्ते शाळा परिसरात वृक्षारोपण करण्यात आले. शाळेची प्रगती व उपक्रमाबाबत प्रभाकरराव कुलकर्णी यांनी मान्यवरांना माहिती दिली व वृक्ष संवर्धनासाठी कटिबद्ध असल्याचे सांगितले. कोरोनाच्या दुसऱ्या लाटेत निर्माण झालेल्या ऑक्सिजनच्या तुटवड्यामुळे अनेकांचे प्राण गेले. त्यामुळे नैसर्गिक ऑक्सिजन मिळावा म्हणून वृक्ष लागवड ही काळाची गरज असल्याचे कृषी सभापती गोविंदराव चिलकुरे यांनी सांगितले, याप्रसंगी शाळेचे सचिव प्रभाकरराव कुलकर्णी, नामदेवराव जगताप, क्षिरसागर,भाजपा नेते दगडू साळुंके, भाजपा तालुका अध्यक्ष मंगेश पाटील, माजी तालुकाध्यक्ष प्रकाश कोरे, माजी सभापती धोंडीराम सांगवे, माजी उपनगराध्यक्ष संतोष शेटे, शहराध्यक्ष अँड. गणेश सलगरे, प्राचार्य शिवाजीराव मादलापुरे, रवी कुलकर्णी, धनाजी लखनगावे, शिक्षक शिक्षकेतर कर्मचारी उपस्थित होते.