रोटरी क्लब अहमदपूर चा पदग्रहण सोहळा संपन्न

गरजूंना शिलाई मशीन वाटप…

अहमदपूर (गोविंद काळे) : अहमदपूर रोटरी क्लब सन 2021-22 साठी अध्यक्ष सचिन करकनाळे व सचिव राहुल घाटोळ यांचा व त्यांच्या संचालक मंडळाचा पदग्रहण सोहळा 28 जुलै 2021 रोजी.संस्कृती लॉन्स येथे संपन्न झाला. या कार्यक्रमासाठी प्रमुख पाहुणे म्हणून रोटरी डिस्ट्रिक्ट 3132 चे प्रांतपाल रोटेरियन डॉक्टर ओमप्रकाश मोतीपवळे व असिस्टंट गव्हर्नर रोटेरियन संतोष कासले हे उपस्थित होते. या कार्यक्रमास डिस्ट्रिक्ट ऑफिसर लक्ष्मीकांत सोनी, रवींद्र बनकर व पास्ट असिस्टंट गव्हर्नर रामप्रसाद राठी हे उपस्थित होते. या कार्यक्रमात मावळते अध्यक्ष नजीब पठाण यांच्या कडून नूतन अध्यक्ष सचिन करकनाळे यांनी तर मावळते सचिव प्रा शिवशंकर पाटील यांच्याकडून नूतन सचिव राहुल घाटोळ यांनी पदभार स्वीकारला. रोटरीतर्फे या कार्यक्रमात रोटरी वेल्फेअर फंडातून सहा शिलाई मशीनचे गरजू व्यक्तींना प्रांतपाल रोटेरियन डॉ. ओमप्रकाश मोतीपवळे यांच्या हस्ते वाटप करण्यात आले.

यावेळी बोलताना प्रांतपाल रोटेरियन डॉ.ओमप्रकाश मोतीपवळे यांनी रोटरी भारत व जगभर माणसे जोडण्याचे कार्य करते, सेवा धर्माचा पुरस्कार करत जगभर सेवा कार्य करणारी रोटरी ही जगातील सर्वात मोठी संघटना आहे कोविड काळात सुद्धा रोटरीने भारतभर उल्लेखनीय कार्य केले असून, असेच पुढे कार्य करत राहण्याचे आव्हान त्यांनी वेळेस केल. शहरातील उल्लेखनीय कार्य करणाऱ्या व्यक्तींचा सत्कार यावेळी प्रांतपाल यांच्या हस्ते करण्यात आला. नूतन संचालक मंडळाची व डिस्ट्रिक्ट डायरेक्टर ची ओळख यावेळेस करून देण्यात आली. कार्यक्रमाचे सुत्रसंचलन अनिल चवळे व ज्ञानोबा भोसले यांनी केले तर प्रास्ताविक नजीब पठाण व आभार राहुल घाटोळ यांनी मानले.