मुख्याध्यापक दिलीपराव कापसे यांचा सेवानिवृत्तीनिमित्त सत्कार

अहमदपूर (गोविंद काळे) : तालुक्यातील सांगवी-सुनेगाव येथील जि.प.केंद्रीय प्राथमिक शाळेतील मुख्याध्यापक दिलीपराव कापसे हे नियत वयोमानानुसार ३१ ऑगस्ट रोजी सेवानिवृत्त झाले याबद्दल सांगवी-सुनेगाव येथील जि.प. शाळेत निरोप समारंभ कार्यक्रमाचे आयोजन करण्यात आले होते.कार्यक्रमाच्या अध्यक्षस्थानी केंद्रप्रमुख बालाजी शिदे तर व्यासपीठावर पंचायत समितीच्या सभापती सौ.गंगासागर जाभाडे, उपसभापती बालासाहेब गुट्टे, माजी उपसभापती देविदास सुरनर, सत्कारमुर्ती दिलीपराव कापसे, सौ.सुरेखा कापसे, महादेव मिटकरी, नानासाहेब बिडवे, गटशिक्षणाधिकारी बी.एम.ढोकाडे, हरिदास तम्मेवार, बब्रुवान पवार, तुकाराम चव्हाण आदींची प्रमुख उपस्थिती होती.

सेवानिवृत्त मुख्याध्यापक दिलीपराव कापसे,सांगवी केंद्राचे प्रभारी केंद्रप्रमुख महादेव मिटकरी व शिक्षण विस्तार अधिकारी नानासाहेब बिडवे यांचाही सेवानिवृत्त सत्कार करण्यात आला. गटशिक्षणाधिकारी ढोकाडे, संजय पवार, फुलाबाई साके आदींनी मनोगत व्यक्त केले. प्रास्ताविक सुर्यकांत बोईनवाड यांनी तर सुत्रसंचालन गोपाळ गुट्टे व आभार प्रकाश भालेराव यांनी मानले. कार्यक्रमाच्या यशस्वीतेसाठी संतोष झुंजूरवार, रामराव चव्हाण, गणपतराव कानवटे, संजय पवार, राजू बिराजदार, अनिलकुमार मद्देवाड,भाऊसाहेब मुंढे, शिवाजी गुळवे रुस्तुम चव्हाण शिवाजी भालेराव आदींनी परिश्रम घेतले