छत्रपती शिवाजीराजे महाविद्यालयात आरोग्य विषयक कार्यक्रम संपन्न

उदगीर (एल पी उगीले)छत्रपती शिवाजीराजे महाविद्यालयात राष्ट्रीय सेवा योजना व रेड रिबीन क्लब यांच्या संयुक्त विद्यमाने आरोग्य विषयक जनजागृती कार्यक्रम घेण्यात आला. यावेळी कार्यक्रमाचे अध्यक्ष महाविद्यालयाचे प्राचार्य डॉ.रामकिशन मांजरे तर प्रमुख पाहुणे म्हणून उपस्थिती दंत व मूखरोग तज्ज्ञ, डॉ.स्मिता वंजे डॉ. शशीकांत महालिंग यांची होती.
यावेळी डॉ.स्मिता वंजे यांनी दाताची काळजी कशी घ्यावी? याबद्दल मार्गदर्शन करताना म्हटले,लहान मुले व म्हातारे व्यक्ती यांना दातांच्या खूप समस्या निर्माण होत असतात. वेळीच सावधगिरी बाळगली तर ते त्रासापासून दूर होऊ शकतात, असेही त्या म्हणाल्या.तर शशीकांत महालिंग यांनी एचआयव्ही या विषयी व आरोग्याच्या काळजी घेण्यासंबंधी सखोल मार्गदर्शन केले. कार्यक्रमाचे प्रास्ताविक कार्यक्रमाधिकारी डॉ.ए.सी. आकडे यांनी तर,सूत्रसंचालन कार्यक्रमाधिकारी डॉ.व्हि.के.भालेराव तर आभार कार्यक्रमाधिकारी डॉ.एच.एम.ढगे यांनी मानले. कार्यक्रमाला राष्ट्रीय सेवा योजनेचे स्वयंसेवक मोठ्या संख्येने उपस्थित होते.