'राष्ट्र शिल्पकार पुरस्कार २०२५' ने शिक्षकांचा गौरवसहकार मंत्री बाबासाहेब पाटील यांच्या हस्ते पुरस्कार प्रदान

अहमदपूर: ( गोविंद काळे) : रोटरी क्लब ऑफ अहमदपूरच्या वतीने २१ सप्टेंबर २०२५ रोजी किलबिल नॅशनल स्कूल येथे ‘राष्ट्र शिल्पकार पुरस्कार २०२५’ सोहळा पार पडला. यावेळी तालुक्यामधील २४ उपक्रमशील आणि गुणवत्तापूर्ण कार्य करणाऱ्या शिक्षकांचा गौरव करण्यात आला. महाराष्ट्र राज्याचे सहकार मंत्री बाबासाहेब पाटील यांच्या हस्ते हे पुरस्कार प्रदान करण्यात आले.
कार्यक्रमाचे उद्घाटन क्रांतीज्योती सावित्रीबाई फुले, महात्मा ज्योतिराव फुले आणि सर्वपल्ली राधाकृष्ण यांच्या प्रतिमेचे पूजन करून करण्यात आले. कार्यक्रमाचे प्रास्ताविक रोटरी क्लबचे अध्यक्ष कपिल बिरादार यांनी केले, ज्यामध्ये त्यांनी रोटरीच्या विविध सामाजिक आणि शैक्षणिक कार्याबद्दल माहिती दिली.
या सोहळ्यात बोलताना सहकार मंत्री बाबासाहेब पाटील यांनी शिक्षकांना ‘समाजाचा विचारशील घटक’ असे संबोधले. ते म्हणाले, “देशाची भावी पिढी घडवण्यामध्ये शिक्षकांचे मार्गदर्शन खूप महत्त्वाचे असते. शिक्षकांनी आपल्या कामात समर्पण भाव ठेवून गुणवत्तापूर्ण शिक्षण देण्याचा प्रयत्न करावा.”
या सोहळ्यात प्रा. तुकाराम जोहरे, राजकुमार वाडकर, मोहन पाटील, संदीप शिंदे, प्रा. विश्वंभर स्वामी, मोहनराव तेलंगे, प्रा. परमेश्वर इंगळे, सावित्री कांबळे, शिवकुमार गुळवे, रहीम सय्यद, गिरीराव क्षिरसागर, छाया वाडकर, अर्चना भंडे, बालाजी भोसले, डॉ. शरद करकनाळे, रमेश भालेराव, राजेंद्र सोनकांबळे, उज्वला चव्हाण, विवेकानंद मठपती, चंद्रकांत पेड, प्राजक्ता भोसले, जियाऊला शेख, मनिषा गुणाले, आणि आकाश जाधव या शिक्षकांचा सन्मानचिन्ह आणि सन्मानपत्र देऊन गौरव करण्यात आला.
कार्यक्रमाला गटशिक्षणाधिकारी बबनराव ढोकाडे, रोटरीचे सहाय्यक प्रांतपाल चंद्रशेखर मुळे, शिवानंद हिंगणे, नरसिंग चिलकावार, धीरेंद्र ढेले, आणि निवृत्ती कांबळे यांची उपस्थिती होती. या वेळी रोटरीचे मुखपत्र ‘द प्लेज’ चे प्रकाशनही करण्यात आले. तसेच, सृजन बहुउद्देशीय सेवाभावी संस्थेचे सचिव महादेव खळुरे यांनाही त्यांच्या कार्याबद्दल प्रशस्तीपत्र देऊन सन्मानित करण्यात आले. कार्यक्रमाचे सूत्रसंचालन प्रा. अनिल चवळे यांनी केले, तर आभार प्रदर्शन ज्ञानोबा भोसले यांनी केले.
या कार्यक्रमाला शिक्षक, पालक, पत्रकार आणि शिक्षणप्रेमी मोठ्या संख्येने उपस्थित होते. समाजाच्या उभारणीत महत्त्वपूर्ण योगदान देणाऱ्या शिक्षकांचा सन्मान करण्याचा रोटरी क्लबचा हा उपक्रम निश्चितच कौतुकास्पद ठरला.