दयानंद कला महाविद्यालयात विद्यापीठीय परीक्षेस प्रारंभ

लातूर (प्रतिनिधी) : स्वामी रामानंद तीर्थ मराठवाडा विद्यापीठ, नांदेडच्या वतीने घेण्यात येत असलेल्या उन्हाळी 2021 परीक्षा दयानंद कला महाविद्यालयामध्ये सुरळीतपणे सुरु आहेत. विद्यापीठाच्या बी.ए.तृतीय वर्षाच्या परीक्षा दि 5 ऑगस्ट पासून Online/Offline पध्दतीने घेण्यात येत आहेत. तेव्हा सदरील केंद्रावर 97% विद्यार्थ्यांनी Offline परीक्षा दिली. तत्त्पुर्वी विद्यार्थी हित लक्षात घेता सर्व वर्गखोल्या निर्जंतुकीकरण करण्यात आल्या. कोव्हीड-19 चे सर्व नियमांचे पालन करुन विद्यार्थ्यांची बैठक व्यवस्था करण्यात आली आहे. या परीक्षा सुरळीत व्हाव्या यासाठी महाविद्यालयाचे प्राचार्य डॉ. शिवाजी गायकवाड यांच्या मार्गदर्शनाखाली परीक्षा केंद्रप्रमुख डॉ. अंजली जोशी, सहकेंद्रप्रमुख डॉ. शिवकुमार राऊतराव, प्रा. राजकुमार मोरे, परीक्षेचे कामकाज पाहात आहेत. तसेच परीक्षा विभागातील सर्व प्रशासकीय कर्मचारी आणि महाविद्यालयातील प्राध्यापक यांच्या सहकार्यावरच हे कामकाज सुरळीतपणे सुरु आहे.