न्यू विद्यानगर, अहमदपूर येथे कोजागिरी पौर्णिमा उत्साहात साजरी!

अहमदपूर ( गोविंद काळे ) अहमदपूर शहरातील न्यू विद्यानगर येथील रहिवाशांनी नुकतीच कोजागिरी पौर्णिमा मोठ्या उत्साहात आणि आनंदात साजरी केली. संपूर्ण वसाहतीने एकत्र येत रात्रीच्या शीतल चांदण्यात पारंपरिक पद्धतीने हा उत्सव साजरा केला.
भारतीय संस्कृतीनुसार महत्त्वाच्या असलेल्या कोजागिरी पौर्णिमेच्या निमित्ताने न्यू विद्यानगर येथील नागरिकांनी सामुदायिकरित्या एकत्र येऊन पूजाविधी आणि विविध कार्यक्रमांचे आयोजन केले होते. रात्री उशिरापर्यंत जागरण करत हा सण साजरा करण्याची प्रथा आहे. याच प्रथेनुसार, चांदण्या रात्री, आरोग्यवर्धक आणि सुगंधी दुधाचे वाटप करण्यात आले.
यावेळी वसाहतीतील लहान मुले, तरुण आणि वयोवृद्ध नागरिक मोठ्या संख्येने उपस्थित होते. सर्वांनी एकमेकांना कोजागिरी पौर्णिमेच्या शुभेच्छा दिल्या. अशा सामुदायिक उत्सवामुळे नागरिकांमधील स्नेह आणि एकोपा अधिक घट्ट होण्यास मदत होते. या उत्साही वातावरणात न्यू विद्यानगर येथील रहिवाशांनी हा पारंपारिक सण अविस्मरणीय केला.