लातूरात शनिवारी ओबीसी, भटक्‍या विमुक्‍तांचा महामेळावा

पंकजाताई मुंडे यांच्‍यासह अनेक मान्यवरांच्या उपस्थितीत

लातूर (प्रतिनिधी) : भारतीय जनता पार्टीच्या वतीने कायद्यानं मिळालेलं आरक्षण राज्य सरकारच्या दूर्लक्षामुळे रद्द झालं याबाबत ओबीसी इतर मागासवर्गीयात जनजागृती करण्यासाठी आणि हक्काचे आरक्षण परत मिळवून घेण्यासाठी माजी ग्रामविकास मंत्री पंकजाताई मुंडे यांच्यासह अनेक मान्यवरांच्या उपस्थितीत 14 ऑगस्ट 2021 रोजी लातूर येथे ओबीसी भटक्या विमुक्त जातीचा महाजागर महामेळावा आयोजित करण्यात आला असल्याची माहिती भाजपा ओबीसी मोर्चाचे प्रदेश कोषाध्यक्ष गोविंद चिलकुरे आणि जिल्हाध्यक्ष बापूराव राठोड यांनी दिली आहे.

आरक्षण मिळावे ही भाजपाची भूमिका असून मराठा, ओबीसी समाजाला मिळलेले आरक्षण राज्‍यातील महाविकास आघाडी सरकारने न्‍यायालयात व्‍यवस्थित बाजू मांडली नसल्‍याने रद्द झाले. घटनेने दिलेले ओबीसीच्‍या हक्‍काचे आरक्षण सन्‍मानाने परत मिळावे यासाठी आणि आरक्षणाबाबत जनजागृती व्‍हावी याकरीता लातूर जिल्हा भाजपा ओबीसी मोर्चाच्या वतीने 14 ऑगस्ट शनिवार रोजी सकाळी 11 वाजता लातूर येथे भाजपाचे जिल्हाध्यक्ष आ. रमेशआप्पा कराड यांच्या अध्यक्षतेखाली होणाऱ्या या ओबीसी आणि भटक्या विमुक्त जातींच्या महाजागर महामेळाव्याचे उद्घाटन भाजपाच्या राष्ट्रीय सचिव तथा माजी ग्रामविकास मंत्री पंकजाताई मुंडे यांच्या हस्ते होणार आहे.

या मेळाव्यास मार्गदर्शन करण्यासाठी कर्नाटक राज्य सरकारचे पशुसंवर्धन मंत्री ना. प्रभुजी चव्हाण, राज्यातील माजी जलसंधारणमंत्री राम शिंदे, जिल्ह्याचे माजी पालकमंत्री आ. संभाजीराव पाटील निलंगेकर, माजी मंत्री आ. अतुल सावे, भाजपा ओबीसी मोर्चाचे प्रदेशाध्यक्ष योगेश टिळेकर, भाजपा अनुसूचित जाती जमाती मोर्चाचे प्रदेशाध्यक्ष नरेंद्र पवार, भाजपा अनुसूचित जाती मोर्चाचे प्रदेशाध्यक्ष सुधाकर भालेराव, लातूरचे खासदार सुधाकर शृंगारे, आ. तुषार राठोड, आ. अभिमन्यु पवार, भाजपाचे ज्येष्ठ नेते गोविंदअण्‍णा केंद्रे, माजी आमदार विनायकराव पाटील, प्रदेश प्रवक्ते गणेश दादा हाके, माजी आमदार शिवाजीराव पाटील कव्हेकर, किसान मोर्चाचे प्रदेश सरचिटणीस दिलीपराव देशमुख, माजी आमदार पाशा पटेल, माजी आमदार बब्रुवान खंदाडे यांच्यासह अनेक मान्यवर उपस्थित राहणार आहेत.

लातूर येथील गिरवलकर मंगल कार्यालय बार्शी रोड जुनी रेल्वे लाईन याठिकाणी होणाऱ्या या महाजागर महामेळाव्यास ओबीसी आणि भटक्या विमुक्त जातीतील समाज बांधवांनी हजारोंच्या संख्येने उपस्थित राहावे असे आव्हान भाजपाचे जिल्हा संघटन सरचिटणीस संजय दोरवे भाजपा ओबीसी मोर्चाचे कोषाध्यक्ष गोविंद चिलकुरे, मराठवाडा संपर्क प्रमुख डॉ. बाबासाहेब घुले जिल्हाध्यक्ष बापुराव राठोड जिल्हा प्रभारी गोरोबा गाडेकर यांच्यासह अनेकांनी केले आहे.

सदरील महाजागर महामेळावा यशस्वी व्हावा यासाठी जिल्हा परिषदेचे अध्यक्ष राहुल केंद्रे, रोहिदास वाघमारे, राम‍चंद्र तिरूके, त्र्यंबकआबा गुट्टे, शैलेश गोजमगुंडे, भागवत सोट, दिलीप धोत्रे, अशोककाका केंद्रे, देविदास काळे, बाबु खंदाडे, बाळासाहेब शिंगाडे, अभिषेक आकनगीरे, वसंतराव डिघोळे, सुरेंद्र गोडभरले, विजय काळे, सतिष अंबेकर, रमेश सोनवणे, बालाजी गुटे, वसंत करमुडे, प्रशांत पाटील, काशिनाथ ढगे, बालाजी केंद्रे, फुलचंद अंधारे, हणमंत देवकते, शिवाजी बैनगीरे, गोविंद नरहरे, पद्माकर चिंचोलकर यांच्‍यासह अनेकजण मेहनत घेत आहेत.