श्यामलाल हायस्कूलमध्ये शिक्षक दिन उत्साहात साजरा !

उदगीर : येथील श्यामलाल मेमोरियल हायस्कूल मध्ये शिक्षक दिन उत्साहात साजरा करण्यात आला. याप्रसंगी श्यामलाल मेमोरियल हायस्कूल चे माननीय मुख्याध्यापक आनंद चोबळे सर यांनी डॉक्टर सर्वपल्ली राधाकृष्णन यांच्या प्रतिमेस पुष्पहार अर्पण करून अभिवादन केले. तसेच उपस्थित सर्व शिक्षक बंधू भगिनींना शिक्षक दिनाच्या शुभेच्छा दिल्या. मनोगतामध्ये माननीय मुख्याध्यापक आनंद चोबळे सर यांनी शिक्षक हा राष्ट्र निर्माता आहे, भावी पिढी घडवण्याचे महान कार्य शिक्षकांच्या हातात आहे त्यामुळे विद्यार्थ्यांचा सर्वांगीण विकास होईल अशा पद्धतीचे शिक्षण विद्यार्थ्यांना द्यावे, विद्यार्थ्यांच्या सुप्त कलागुणांना वाव द्यावा, विद्यार्थ्यांना अध्ययन अध्यापन पद्धती मध्ये ज्या अडचणी येत आहेत त्या अडचणी सोडविण्याचा प्रयत्न करावा, विद्यार्थ्यांमध्ये आरोग्यदायी सवयी जोपासाव्यात यासंबंधी त्यांच्यावर वेळोवेळी संस्कार करावे, मार्गदर्शन करावे असे मत मनोगतामध्ये व्यक्त केले. या कार्यक्रमाप्रसंगी श्री देबडवार संजय, बागडे सुनील, श्रीमती मुक्कावार वनमाला, चेरेकर विष्णुकांत, हाके नामदेव, कदम गोविंद, बारोळे गोविंद, पुल्लागोर सुनिल इ. शिक्षक या कार्यक्रमास उपस्थित होते.कार्यक्रमाचे सूत्रसंचालन शेख सईद सर यांनी केले तर आभार उमाकांत सूर्यवंशी यांनी व्यक्त केले. कार्यक्रम यशस्वीरित्या संपन्न झाला.