महात्मा फुले महाविद्यालयात शिक्षक दिन साजरा

अहमदपूर (गोविंद काळे) : येथील महात्मा फुले महाविद्यालयात भारताचे माजी राष्ट्रपती डॉ. सर्वपल्ली राधाकृष्णन यांच्या जयंती निमित्त आयोजित शिक्षक दिन उत्साहात साजरा करण्यात आला. या बाबातचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या शिक्षक दिन या कार्यक्रमाच्या अध्यक्षस्थानी प्रा.डॉ. अनिल मुंढे हे होते तर डॉ. सतीश ससाणे यांची प्रमुख उपस्थिती होती. सर्वप्रथम माजी राष्ट्रपती डॉ. सर्वपल्ली राधाकृष्णन यांच्या प्रतिमेचे पूजन करून अभिवादन करण्यात आले.तसेच डॉ. सतीश ससाणे यांनी डॉ. राधाकृष्णन यांच्या जीवन कार्यावर प्रकाश टाकला तर अध्यक्षीय समारोप प्रा.डॉ. अनिल मुंढे यांनी केला. या कार्यक्रमाचे प्रास्ताविक व सूत्रसंचालन डॉ. बब्रुवान मोरे यांनी केले तर आभार राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी मानले. यावेळी महाविद्यालयातील प्राध्यापक आणि कार्यलयीन कर्मचारी कोविड – १९ चे नियम पाळून उपस्थित होते.