स्वामी विवेकानंद इंग्लिश स्कूलचे जिल्हास्तरीय वक्तृत्त्व स्पर्धेत घवघवीत यश
लातूर (प्रतिनिधी) : भारत विकास परिषद शाखा लातूर यांच्या संयोजनातून स्वामी विवेकानंद यांच्या जयंतीचे औचित्य साधून 10 जानेवारी रोजी 2021 रोजी जोशी क्लासेस, उद्योग भवन येथे घेण्यात आलेल्या जिल्हास्तरीय वक्तृत्त्व स्पर्धेत स्वामी विवेकानंद इंटिग्रेशन इंग्लिश स्कूल,लातूर या शाळेतील विद्यार्थ्यांनी वसुंधरा उध्दव गंभीरे या विद्यार्थीनीने तृतीय क्रमांक मिळविला तर अंकीता रमेश गायकवाड या विद्यार्थीनीने सहभाग घेवून उत्कृष्ठ भाषण केल्याबद्दल प्रमाणपत्र देवून सन्मानित करण्यात आले. यासाठी प्राचार्य सचिदानंद जोशी, उपप्राचार्य आशा जोशी, मराठी विभाग प्रमुख विनोद करदुरे यांचे मार्गदर्शन लाभले. त्यांच्या या यशाबद्दल जेएसपीएम संस्थेचे संस्थापक अध्यक्ष माजी आ.शिवाजीराव पाटील कव्हेकर, संस्थेच्या सचिव तथा माजी जि.प.अध्यक्षा सौ.प्रतिभाताई पाटील कव्हेकर, संस्थेचे कार्यकारी संचालक अजितसिंह पाटील कव्हेकर, संस्थेचे उपकार्यकारी संचालक रंजितसिंह पाटील कव्हेकर, प्रशासकीय समन्वयक निळकंठराव पवार तसेच शाळेचे प्राचार्य सचिदानंद जोशी, उपप्राचार्य आशा जोशी यांच्यासह शिक्षक, शिक्षिकेत्तर कर्मचार्यांनी त्यांचे कौतुक केले.
About The Author
