जी.एस.पी.एम. कॅम्पसमध्ये मा. ना. संजयजी बनसोडे यांच्या हस्ते नीता मोरे यांचा गुरूवर्य पुरस्कार देऊन सत्कार संपन्न

उदगीर (प्रतिनिधी) : शिक्षक दिनानिमित्य जी एस पी एम कॅम्पसमध्ये गुरुवर्य पुरस्कार सोहळा मोठ्या उत्साहाच्या वातावरणात ना.राज्यमंत्री संजयजी बनसोडे यांच्या प्रमुख उपस्थितीमध्ये साजरा करण्यात आला. प्रमुख पाहुणे म्हणून नामदार संजयजी बनसोडे , राज्यमंत्री महाराष्ट्र राज्य हे उपस्थित होते. तसेच या कार्यक्रमास लातूर उदगीरचे उपजिल्हाधिकारी श्री प्रवीण मेंगशेट्टी, श्री.चंदन पाटील नागराळकर, श्री. श्याम डावळे, श्री.प्रवीण भोळे, श्री. संजय पाटील, प्रा. पंडित सूर्यवंशी, प्राचार्य जाधव विनायकराव अप्पाराव, बबन मुदाळे हे मान्यवर उपस्थित होते. कार्यक्रमाची सुरुवात डॉक्टर सर्वपल्ली राधाकृष्णन यांच्या प्रतिमेचे पूजन करून व राज्यमंत्री संजयजी बनसोडे यांचा हस्ते दीप्रज्वलनाने करण्यात आली. जी एस पी एम कॅम्पसमध्ये प्रतिवर्षी संस्थेच्या वतीने उदगीर तालुक्यातील आदर्श शिक्षकांचा गौरव गुरुवर्य पुरस्कार देऊन करण्यात आला . लाल बहादूर शास्त्री विद्यालयाच्या उपक्रमशील शिक्षिका सौ. नीता मोहनराव मोरे, यांची निवड संस्थेच्या वतीने करून मा. ना. संजयजी बनसोडे यांच्या हस्ते स्मृतिचिन्ह, प्रमाणपत्र, शाल, बुके व तुळशीचे रोप देऊन यथोचित सत्कार करण्यात.अत्यंत शानदार सोहळ्याचे आयोजन करण्यात आले.

त्याबद्दल भारतीय शिक्षण प्रसारक संस्थेचे कार्यवाह नितीन शेटे, अध्यक्ष सुरेंद्र आलूरकर, सहकार्यवाह चंद्रकांत मुळे, स्थानिक सामन्वय समिती अध्यक्ष मधुकर वट्टमवार, कार्यवाह शंकर लासूने, शालेय समिती अध्यक्ष संतोष कुलकर्णी, मुख्याध्यापक प्रदीप कुलकर्णी, उपमुख्याध्यापक अंबादास गायकवाड, पर्यवेक्षक, लालासाहेब गुळभीले, शोभा मोरे,श्री. विजयकुमार जाधव यांनी अभिनंदन केले.