श्री नवयुवक व्यापारी गणेश मंडळाच्या वतीने कोविड लसीकरण शिबीर

उदगीर (प्रतिनिधी) : येथील प्रतिष्ठित असलेल्या श्री नवयुवक व्यापारी गणेश मंडळ पत्तेवार चौक उदगीर व संघर्ष मित्र मंडळ आणि रोटरी क्लब ऑफ उदगीर सेंट्रलच्या वतीने श्री नवयुवक व्यापारी गणेश मंडळ, पत्तेवार चौक येथे रविवारी दि. १२ सप्टेंबर २०२१ रोजी कोरोना प्रतिबंधात्मक लसीकरण शिबीरास सुरवात झाली.
या शिबीराचे उद्घाटन उपविभागीय अधिकारी प्रवीण मेगशेट्टी यांच्या हस्ते करण्यात आले. सदर शिबीर हे दि.१५ सप्टेंबर पर्यंत कार्यरत राहणार आहे. यावेळी नगर परिषदेचे पाणी पुरवठा सभापती मनोज पुदाले, नगरसेवक ॲड. दत्ताजी पाटील, श्रीमंत व्यापारी गणेश मंडळाचे अध्यक्ष आशिष अंबरखाने, रोटरी क्लबचे अध्यक्ष प्रमोद शेटकार, सचिव रविंद्र हसरगुंडे, उपजिल्हा रुग्णालय येथील डाॅ. रामशेट्टी व कर्मचारी वृंद तसेच मोतीलाल डोईजोडे, प्रशांत मांगुळकर, महानंदा सोनटक्के, डॉ. सुनीता लोहारे, संतोष फुलारी, विशाल जैन, पत्रकार राम मोतीपवळे, विक्रम हलकीकर सह गिरीधर हुंडेकर, दत्ता वाकुडे, मल्लिकार्जुन चिल्लरगे, जगदीश चौधरी, विजय मांगुळकर, नरसिंग कंदले, सचिन ठाकुर, प्रवीण दुरुगकर, प्रतीक अंबरखाने, राहुल धनाश्री, कल्लपा स्वामी, शरद पाटील, अभिशेक पत्तेवार, गणेश डोंगरे, सुशील पेन्सलवार, पवन महाजन व गणेश मंडळाचे पदाधिकारी, कार्यकर्ते उपस्थित होते. रविवारी ८० जणांना कोरोना प्रतिबंधक लस देण्यात आली.