राजतिलक युवा गणेश मित्र मंडळाच्या वतीने वृक्षारोपन
अहमदपूर (गोविंद काळे) : राजतिलक युवा गणेश मित्र मंडळाच्या वतीने वृक्षारोपण करण्यात आले. याबाबत अधिक माहिती अशी की, येथील बसवेश्‍वर नगर येथे राजतिलक युवा गणेश मित्र मंडळाच्या वतीने वृक्षारोपन करण्यात आले. यावेळी नगर सेवक आगलावे बाळासाहेब, प्रा. बालाजी कारामुंगीकर तसेच नंदकुमार कोनाले, मित्र मंडळाचे अध्यक्ष शिवप्रसाद कोनाले, उपाध्यक्ष सचिन नागरगोजे व मित्र मंडळाचे सदस्य सचिन फुगनर शिवलिंग टोपारे आदींची उपस्थिती होते.
राजतिलक युवा गणेश मंडळाच्या वतीने दरवर्षी विविध समाजउपयोगी कार्यक्रम घेतले जातात परंतु कोरोनाच्या सावटाखाली संपुर्ण विश्‍व असल्यामुळे सोशल डिस्टस्टिंगचे भान राखुन अगदी साध्या पद्धतीने गणेश उत्सव साजरा करण्यात येत आहे त्याचाच एक भाग म्हणुन आज दि. 11 सप्टेंबर 2021 रोजी बसवेश्‍वर नगर येथे वृक्षारोपन करण्यात आले. यावेळी लिंबाचे, पिंपळाचे, सप्‍तपर्णी असे अनेक वृक्ष लावण्यात आले. पर्यावरण संरक्षण लक्षात घेता वृक्ष लागवड करणे ही काळाची गरज आहे. राजतिलक युवा गणेश मंडळाच्या वतीने आयोजित वृक्षारोपन कार्यक्रमाने खरोखरच वसुंधरेचे रक्षण करण्यासाठी उचललेला हा एक मोलाचा पाऊल आहे. यामुळे सदरील उपक्रमाचे सर्वत्र कौतुक होत आहे.
About The Author
