राघवेंद्र अष्टविनायक गणेश मंडळाच्या वतीने आयोजित रक्तदान शिबिरात 33 जणांचे रक्तदान
उदगीर (प्रतिनिधी) : येथील ब्राह्मण गल्लीतील श्री राघवेंद्र अष्टविनायक गणेश मंडळाच्या वतीने आयोजित रक्तदान शिबिरात 33 जणांनी रक्तदान केले. गणेशोत्सवाच्या निमित्ताने श्री राघवेंद्र अष्टविनायक गणेश मंडळाच्या पदाधिकाऱ्यांनी नागप्पा अंबरखाने रक्तपेढीच्या सहकार्याने होळी चौक ब्राह्मण गल्ली येथे रक्तदान शिबिराचे आयोजन केले होते. या शिबिराचे उदघाटन श्रीमंत व्यापारी गणेश मंडळ ट्रस्टचे अध्यक्ष आशिष अंबरखाने यांच्या हस्ते करण्यात आले. यावेळी रेल्वे संघर्ष समितीचे सचिव मोतीलाल डोईजोडे, रोटरी क्लबचे अध्यक्ष प्रमोद शेटकार, सचिव रविंद्र हसरगुंडे, पत्रकार संघाचे अध्यक्ष रामभाऊ मोतीपवळे, उद्योजक विजय पारसेवार, शैलेश कस्तुरे, कैलाश मोदी, बबलू मुळे यांची प्रमुख पाहुणे म्हणून उपस्थिती होती. कार्यक्रमाचे सूत्रसंचालन पत्रकार विक्रम हलकीकर यांनी केले. आभार आनंद बामणीकर यांनी मानले. कार्यक्रमाच्या यशस्वीतेसाठी गणेश मंडळाचे अध्यक्ष बाबुराव बामणीकर, उपाध्यक्ष सिद्धांत निलंकर, संजय जाधव, सागर तोरणेकर, रणजित जाधव, अभिषेक ठाकूर, राम पिटलेवाड, अमित कुलकर्णी, आदित्य गोविंदवाड, आकाश मोरे, किरण बामणीकर, अभिषेक माने, महेश पाटील, अमित वावगे, प्रतीक लिंगणवाड, चिंटू माने, वैजनाथ माने, जयदीप पिंपरे, खंडू कांबळे, मकरंद लासरेकर, मंगेश लासरेकर, अमित निलंकर, अभय निलंकर, बालाजी बेंडके, तुळशीदास बेंडके, विठ्ठल जोशी, आशिष आर्य, संतोष निडेबने यांनी परिश्रम घेतले.
About The Author
