प्रा. दिलीप भालेराव यांचा सत्कार संपन्‍न

अहमदपूर (गोविंद काळे) : येथील लहुजी साळवे कर्मचारी कल्याण महासंघ शाखा अहमदपूरच्या वतीने प्रा. दिलीप गणपती भालेराव यांचा सत्कार करण्यात आला. याबाबत अधिक माहिती अशी की, येथील महात्मा फुले क. महाविद्यालयात कार्यरत असलेले प्रा. दिलीप गणपती भालेराव यांच्या वाढदिवसानिमित्‍त त्यांचा लहुजी साळवे कर्मचारी कल्याण महासंघ (लसाकम) शाखा अहमदपूरच्या वतीने सत्कार करण्यात आला. यापूर्वी त्यांना संघटनेच्या वतिने जिल्हास्तरीय आदर्श शिक्षक पुरस्कार प्रदान करण्यात आला होता तसेच शैक्षणिक, सामाजिक व राजकीय क्षेत्रात प्रा. दिलीप भालेराव यांचे उल्‍लेखनिय कार्य आहे. यावेळी लसाकमचे जिल्हाध्यक्ष एकनाथ पलमटे, तालुका अध्यक्ष रमेश भालेराव, सचिव दत्‍तात्रय वाघमारे, कोषाध्यक्ष गणेश वाघमारे, लसाकमचे मार्गदर्शक प्रा. संभाजी दुर्गे, प्रा. बालाजी कारामुंगीकर, गंगाधर साखरे, श्रावणदादा वाघमारे, नरसिंग कांबळे आदीचीं उपस्थिती होती.