ग्रामपंचायत उमेदवारांनी खर्चाचा तपशिल True Voter App वर अपलोड करावा – जिल्हाधिकारी पृथ्वीराज बी.पी.
लातूर (प्रतिनिधी) : स्‍थानिक स्‍वराज्‍य संस्‍थांच्‍या निवडणुका लढविणा-या उमेवारांकरीता निवडणूक खर्चाचा हिशेब देण्‍यासाठी “वेळ (Time) आणि रित (Manner)” मा. राज्‍य निवडणूक आयोग यांच्या आदेशाअन्‍वये निश्‍चीत केली आहे. त्‍यानुसार उमेदवाराने नामनिर्देशन भरल्‍यापासून ते निकाल लागेपर्यंत, केलेल्‍या खर्चाचा दैनंदिन तपशील प्रत्‍येक उमेदवाराने निवडणूक निर्णय अधिकारी यांचेकडे दुस-या दिवशी दुपारी ०२.०० वाजेपर्यंत सादर करणे आवश्‍यक आहे. त्‍याचप्रमाणे उमेदवाराने निवडणुकीचा निकाल लागल्‍यानंतर खर्चाचा एकूण तपशील ३० दिवसांच्‍या आत तालुकास्‍तरावरील संबंधीत प्राधिकृत खर्च पथकास सादर करणे आवश्‍यक आहे. जर उमेदवाराने वरील “वेळ व रित”प्रमाणे खर्चाचा तपशील सादरच केला नसेल किंवा उमेदवाराचा एकूण खर्च मर्यादेपेक्षा जास्‍त असेल किंवा “वेळ व रित”यांचे पालन झाले नसेल, तर महाराष्‍ट्र ग्रामपंचायत अधिनियामाचे कलम १४-ब नुसार संबंधीत उमेदवारास अनर्ह करण्‍याबाबतची तरतूद आहे.
राज्‍य निवडणूक आयोगाव्‍दारे उमेदवारांच्‍या व निवडणुकाशी संबधित अधिका-यांच्या वापरासाठी True Voter App विकसित केले असून, सदर अॅपच्‍या माध्‍यमातून उमेदवारांना दैनंदिन खर्च अपलोड करण्‍याची सुविधा मा. राज्‍य निवडणूक आयोगाने उपलब्‍ध करुन दिली आहे. सदर अॅपच्‍या माध्‍यमातून उमेदवारांना दैनंदिन खर्च अपलोड केलेली खर्चाची प्रिंट दुस-या दिवशी दुपारी ०२.०० वाजेपर्यंत तहसील कार्यालयामध्‍ये प्राधिकृत खर्च पथकाकडे सादर करणे आवश्‍यक आहे. त्‍याचप्रमाणे उमेदवाराने निवडणुकीचा निकाल लागल्‍यानंतर खर्चाचा एकूण तपशील ३० दिवसांच्‍या आत तालुकास्‍तरावरील संबंधीत प्राधिकृत खर्च पथकास राज्‍य निवडणूक आयोगाने विहीत केलेल्‍या नमुन्‍यांमध्‍ये सादर करणे आवश्‍यक आहे. करीता ग्रामपंचायत सार्वत्रिक निवडणूक २०२०-२१ मधील सर्व संबधित उमेदवारांनी यांची नोंद घ्‍यावी. असे ही आदेशात नमूद केले आहे.
About The Author
