अहमदपुरमध्ये मराठवाडा मुक्ती दिन उत्साहात साजरा

अहमदपूर (गोविंद काळे) : येथील जिल्हा परिषदेच्या मैदानावर उपविभागीय अधिकारी प्रभोदय मुळे यांच्या हस्ते ध्वजारोहण करून मराठवाडा मुक्ती दिन अत्यंत उत्साहाच्या वातावरणामध्ये संपन्न झाला.यावेळी तहसीलदार प्रसाद कुलकर्णी पोलीस निरीक्षक नानासाहेब लाकाळ, पोलीस उपनिरीक्षक रामचंद्र केदार, प्रभाकर इंदुरीकर, डॉ. सिद्धार्थ कुमार सूर्यवंशी,जीवन गायकवाड स स्वातंत्र्यसैनिक व शिक्षणप्रेमी नागरिक मोठ्या संख्येने उपस्थित होते. या समयी गावात ई पिक पेरा 100% केल्याबद्दल तलाठी कमलाकर पन्हाळे यांचा उपविभागीय अधिकारी प्रभोदय मुळे यांच्या हस्ते सन्मान करण्यात आला. कार्यक्रमाचे सूत्रसंचालन रामलिंग तत्तापुरे यांनी केले तर आभार गौरव चवंडा यांनी मानले. कार्यक्रम यशस्वी करण्यासाठी महसूल प्रशासनाच्या कर्मचाऱ्यांनी विशेष परिश्रम घेतले.