मलगे गल्ली, सराफ लाइन उदगीर येथे बाल मित्र गणेश मंडळातर्फे आरोग्य शिबीर संपन्न

उदगीर (प्रतिनिधी) : येथील बाल मित्र गणेश मंडळांच्या वतीने शहरातील विविध सेवाभावी व स्वयंसेवी संस्था व्यक्तींचा गौरव समाजसेनेचा या उपक्रमाअंतर्गत शाल, प्रमाणपत्र व तुळशीचे रोपटे देऊन सत्कार करण्यात आला. या कार्यक्रमाच्या अध्यक्षस्थानी काँग्रेसचे प्रदेश सरचिटणीस राजेश्वर निटूरे होते, व्यासपीठावर नगराध्यक्ष बसवराज बागबंदे, वीरशैव समाजाचे अध्यक्ष चंद्रकांत वैजापूरे, पाणीपुरवठा सभापती मनोज पुदाले, नगरसेवक दत्ताजी पाटील, अविनाश रायचुरकर, माजी नगरसेवक राहुल अंबेसंगे, अजीम दायमी यांची उपस्थिती होती. यावेळी आयोजित रोगनिदान शिबिरातील मान्यवर डॉ. तानाजी चंदावार, डॉ.विजय बिरादार, डॉ. व्यंकटेश वट्टमवार व डॉ.प्रशांत नवटके यांचा सामाजिक कार्याबद्दल सत्कार करण्यात आला. यावेळी पार पडलेल्या शिबिरात मधुमेह तपासणी, अस्थिरोग तपासणी करण्यात आली.
या कार्यक्रमासाठी श्याम वट्टमवार,विजय पारसेवार, ज्ञानेश्वर पारसेवार, संजय दीक्षीत, गणेश कांचबावार, कैलास पारसेवार, संजय मलगे, अभय पारसेवार, श्रीनिवास रायचुरकर, मृत्युंजय स्वामी, श्रीकांत पारसेवार, ओम रायचुरकर, ऋषिकेश दीक्षीत, अनुप अंबेसंगे, यश दीक्षीत, कृष्णा रायचुरकर, सुदिन मुगीलवार, अमर हुडगे, विठ्ठल पारसेवार, नितीन सुगंधी यांनी पुढाकार घेतला.