डॉ. बळीराम पवार यांचा महात्मा फुले महाविद्यालयात सत्कार

अहमदपूर (गोविंद काळे) : मराठी समाजशास्त्र परिषदेचे कोषाध्यक्ष तथा महात्मा फुले महाविद्यालय किनगावचे समाज शास्त्र विभाग प्रमुख डॉ. बळीराम वसंतराव पवार यांना समाजशास्त्र विषयात पीएच.डी. पदवी प्राप्त झाल्या बद्‌दल येथील महात्मा फुले महाविद्यालय अहमदपूर सत्कार करून अभिनंदन करण्यात आले. या बाबतचे सविस्तरवृत्त असे की, महात्मा फुले महाविद्यालयाचे प्राचार्य डॉ. वसंत बिरादार पाटील यांनी पीएच.डी. मिळाल्याबद्दल डॉ. बळीराम पवार यांचा ग्रंथ भेट व पुष्पगुच्छ, शाल देऊन सत्कार केला. गंगाखेड तालुक्यातील राणीसावरगाव जवळच्या पोखरणी देवी या गावचे रहिवासी असलेले डॉ. बळीराम पवार यांनी ” निपुत्रिक महिलांच्या सामाजिक व आर्थिक स्थितीचा समाजशास्त्रीय अभ्यास : विशेष संदर्भ लातूर जिल्हा” या विषयावर इंदिरा गांधी महाविद्यालय सिडको नांदेड येथील प्राध्यापक डॉ. ए. टी. शिंदे यांच्या मार्गदर्शनाखाली नुकतीच स्वामी रामानंद तीर्थ विद्यापीठात पीएच.डी. प्राप्त केली. यावेळी महाविद्यालयाचे उपप्राचार्य डॉ. डी. डी. चौधरी, प्रा.डॉ. अनिल मुंढे, प्रा.डॉ. नागराज मुळे, डॉ. सतीश ससाणे , डॉ. मारोती कसाब, डॉ. पांडुरंग चिलगर, डॉ. बी. के. मोरे, व कार्यालयीन प्रमुख प्रशांत डोंगळीकर आदींसह महाविद्यालयातील प्राध्यापक व कर्मचारी उपस्थित होते.