कृष्णा महाराज कुलकर्णी यांना राज्यस्तरीय आदर्श पुरस्कार जाहीर

लातूर (प्रतिनिधी) : विश्व वारकरी संघाचे लातूर जिल्हा उपाध्यक्ष तसेच एक उत्तम मृदंग वादक, गायक असलेले ह.भ.प.कृष्णा महाराज उमाकांतराव कुलकर्णी यांना नुकताच मनुष्यबळ विकास लोकसेवा अकादमी आयोजित राज्यस्तरीय गुणीजन गौरव महापरिषद २०२१ “राज्यस्तरीय आदर्श युवा महाराष्ट्र युथ आयडॉल कलारत्न २०२१” हा पुरस्कार जाहीर करण्यात आला आहे.

लहानपणापासून घरात वारकरी संप्रदायाची पताका आजोबा किर्तनकार आई वडील दोन्ही भजनी यांची परंपरा खांद्यावर घेऊन अविरत मृदंग सेवा करत ते महाराष्ट्रभर वावरत आहेत. अगदी शाळा महाविद्यालय वेळी सुद्धा अनेक पुरस्कार बक्षीसे त्यांनी प्राप्त केले आहेत. लातूरच्या शिरपेचात आणखी एक मानाचा तुरा रोवला गेला आहे. त्यामुळे त्यांचे सर्वञ कौतुक केले जात आहे.