शिरूर ताजबंद येथे एक विद्यार्थी एक वृक्ष लागवड उपक्रमाची सुरुवात

अहमदपूर ( गोविंद काळे ) : अहमदपूर तालुक्यातील शिरूर ताजबंद येथील जिल्हा परिषद केंद्रीय प्राथमिक शाळेत आज विद्यार्थ्यांना वृक्ष वाटप करून एक विद्यार्थी एक वृक्ष लागवड या उपक्रमाची सुरुवात स्वामी विवेकानंद विद्यालयाचे मुख्याध्यापक दीपक भराटे व श्री महेश विद्यालयाचे मुख्याध्यापक गंगाधर बिरादार यांच्या शुभहस्ते विद्यार्थ्यांना वृक्ष वाटप करून करण्यात आली.
ह्यावेळी शाळा व्यवस्थापन समितीचे अध्यक्ष तोफिक किनीवाले, सामाजिक कार्यकर्ते अल्लाउद्दीन किनीवाले,धनाजी इरबतनवाड, शाळेचे मुख्याध्यापक ग्यानोबा घोसे, यांच्यासह सर्व शिक्षक,शिक्षिका शिक्षकेतर कर्मचारी यांची उपस्थिती होती.