मा. फुले महाविद्यालयात डॉ. आंबेडकर व नाना पाटील यांना अभिवादन

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्यावतीने प्राचार्य डॉ. वसंत बिरादार पाटील यांच्या मार्गदर्शनाखाली भारतरत्न डॉ बाबासाहेब आंबेडकर यांच्या महापरिनिर्वाण दिनानिमित्त व माजी खासदार क्रांतिसिंह नाना पाटील यांच्या स्मृतीदिना निमित्त अभिवादन करण्यात आले. याबाबतचे सविस्तर वृत्त असे की, या कार्यक्रमाच्या अध्यक्षस्थानी उपप्राचार्य डॉ. दुर्गादास चौधरी होते तर समाजशास्त्र विभाग प्रमुख डॉ. सतीश ससाणे यांची प्रमुख उपस्थिती होती. यावेळी डॉ. सतीश ससाणे यांनी डॉ. बाबासाहेब आंबेडकर व क्रांतीसिंह नाना पाटील यांच्या जीवन कार्यावर प्रकाश टाकला . तर अध्यक्षीय समारोप उपप्राचर्य डॉ. दुर्गादास चौधरी यांनी केला. या कार्यक्रमाचे प्रास्ताविक व सूत्रसंचलन सांस्कृतिक विभाग प्रमुख डॉ. बी. के. मोरे यांनी केले तर आभार राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी मानले. यावेळी महाविद्यालयातील प्राध्यापक व कार्यालयीन कर्मचारी ‘कोविड- १९’ च्या नियमांचे पालन करून उपस्थित होते.