महात्मा फुले महाविद्यालयास अंतर महाविद्यालयीन मैदानी स्पर्धेत एक सुवर्ण तर एक कांस्यपदक

अहमदपूर (गोविंद काळे) : येथील महात्मा फुले महाविद्यालयाच्या विद्यार्थ्यांनी स्वामी रामानंद तीर्थ मराठवाडा विद्यापीठ अंतर्गत घेण्यात आलेल्या ‘ब’ झोन मध्ये मैदानी क्रीडा प्रकारात एक सुवर्ण व एक कांस्य पदक पटकावून महाविद्यालयाचा लौकिक वाढविला आहे. याबाबतचे सविस्तर वृत्त असे की, दि. ११ डिसेंबर २०२१रोजी उदगीर येथील महाराष्ट्र उदयगिरी महाविद्यालयात झालेल्या अॅथलेंटिक क्रीडा स्पर्धेत लातूर जिल्हा ‘ब’ झोन मध्ये थाळीफेक प्रकारात कु. दिशा कोटंबे हिने सुवर्णपदक प्राप्त केले असून हॅमर या क्रीडास्पर्धेत कु. प्रिया शिंदे ने कांस्य पदक प्राप्त केल्या बद्दल यांचा व सहभागी स्पर्धक कु.गीता दोडे , कु. शिंदे अंजली, कु. कांचन गुट्टे , ज्ञानेश्वर श्रीरामे व स्वप्नील भालेराव यांचा व या खेळाडूनां मार्गदर्शन केल्याबद्दल क्रीडा संचालक प्रो. डॉ.अभिजीत मोरे यांचा महात्मा फुले महाविद्यालयाचे प्राचार्य डॉ. वसंत बिरादार पाटील यांनी सत्कार करून अभिनंदन केले व पुढील स्पर्धांसाठी शुभेच्छा दिल्या . यावेळी प्रो. डॉ. नागराज मुळे, ह.भ.प.प्रो. डॉ. अनिल मुंढे , डॉ. सतिश ससाणे, डॉ.बब्रुवान मोरे कार्यालय प्रमुख प्रशांत डोंगळीकर आदी उपस्थित होते.

या यशाबद्दल सर्व खेळाडू विद्यार्थ्यांचे व मार्गदर्शक प्रो. डॉ. अभिजीत मोरे यांचे किसान शिक्षण प्रसारक मंडळ उदगीरच्या सर्व पदाधिकाऱ्यांनी व महाविद्यालयाचे प्राचार्य डॉ. वसंत बिरादार पाटील तसेच उपप्राचार्य डॉ. दुर्गादास चौधरी यांच्यासह महाविद्यालयातील सर्व प्राध्यापक, कार्यालयीन कर्मचारी यांनी अभिनंदन करून शुभेच्छा दिल्या.