म. फुले महाविद्यालयात एकदिवसीय नॅकच्या राष्ट्रीय कार्यशाळेचे आयोजन

अहमदपूर (गोविंद काळे) : येथील महात्मा फुले महाविद्यालयात आय.क्यू.ए.सी. विभागाच्या वतीने दि. ३० डिसेंबर २०२१ गुरुवार रोजी एकदिवसीय नॅकच्या राष्ट्रीय कार्यशाळेचे आयोजन करण्यात आले आहे.
याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या अध्यक्षतेखाली ‘ नॅक मूल्यमापण समितीला सामोरे जातांना महाविद्यालयाचे गुणवत्ते संबंधी निकष ‘ या विषयावर एकदिवसीय राष्ट्रीय कार्यशाळेचे आयोजन करण्यात आले आहे. यावेळी नॅक समितीचे सदस्य तथा प्राचार्य डॉ.एन.एस. धर्माधिकारी, पुणे यांचे मार्गदर्शन लाभणार आहे. अशी माहिती प्राचार्य डॉ. वसंत बिरादार पाटील यांनी दिली. तसेच या राष्ट्रीय कार्यशाळेसाठी अधिकाधिक प्राध्यापकांनी सहभागी व्हावे असे अवहान संयोजक तथा आय. क्यू.ए.सी. चे समन्वयक प्रो. डॉ.एन. यु. मुळे व नॅक चे समन्वयक उपप्राचार्य डॉ. दुर्गादास चौधरी यांनी केले आहे.