सम्राट चंद्रगुप्त मौर्य इंटरनॅशनल स्कूलमध्ये विविध कार्यक्रम संपन्न

अहमदपूर (गोविंद काळे) : तालुक्यातील रूध्दा येथे सम्राट चंद्रगुप्त मौर्य इंटरनॅशनल स्कूलमध्ये आझादी का अमृत महोत्सव, सानेगुरुजी जयंती, ग्राहक दिन व ख्रिसमस दिन अशा विविध कार्यक्रमाचे आयोजन करण्यात आले होते. साने गुरुजी यांच्या प्रतिमेचे पूजन संचालक कुलदीप हाके यांच्या हस्ते करण्यात आले. त्यानंतर त्यांनी साने गुरुजींच्या जीवन कार्यावर प्रकाश टाकला.यावेळी संचालिका शिवालीका हाके, प्राचार्य रूत चक्रनारायण, शुभांगी सूर्यवंशी, माल्कनी निजमुद्दिन, नवाल सय्यद, वैजनाथ धुळगुंडे केशव तोंडारे ,रवी नरवटे आदींची उपस्थिती होती. ग्राहक दिनानिमित्त ग्राहक व मालक यांच्यामधील व्यवहार कसा करावा याचे प्रात्यक्षिक करण्यात आले. व त्याचे महत्व विद्यार्थ्यांना समजावून सांगण्यात आले.ख्रिसमस हा सण सर्व विद्यार्थ्यांबरोबर मोठ्या आनंदाने साजरा करण्यात आला यावेळी शांताक्रुजची भूमिका राजवीर हाके यांनी केली. सर्व विद्यार्थ्यांनी यामध्ये सहभागी होऊन ख्रिसमस साजरा केला व सर्वांना ख्रिसमसच्या शुभेच्छा दिल्या.