सासऱ्याच्या छळाला कंटाळून महिलेची आत्महत्या

पिंपरी (प्रकाश इगवे) : सासरच्यांनी केलेल्या छळाला कंटाळून विवाहितेने आत्महत्या केली. हुंडाबळीप्रकरणी तिच्या पती व सासऱ्याला अटक करण्यात आली. एप्रिल २०२० ते ६ जानेवारी २०२२ या कालावधीत वाघेरे कॉलनी क्रमांक १, पिंपरीगाव येथे ही घटना घडली. याप्रकरणी २३ वर्षीय मयत विवाहितेचा पती धनंजय पांडुरंग इंगळे (वय २६), सासरे पांडुरंग हंबीरराव इंगळे (वय ६५, दोघेही रा. वाघेरे कॉलनी क्रमांक १, पिंपरी) या दोघांना पोलिसांनी अटक केली. त्यांच्यासह मयत विवाहितेची – सासू नणंद आणि एक महिला यांच्या विरोधात देखील पोलिसांनी गुन्हा दाखल केला.