फुले महाविद्यालयात नेताजी सुभाषचंद्र बोस व बाळासाहेब ठाकरे यांची जयंती साजरी

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने प्राचार्य डॉ. वसंत बिरादार पाटील यांच्या मार्गदर्शनाखाली नेताजी सुभाषचंद्र बोस यांची जयंती राष्ट्रीय पराक्रम दिवस म्हणून व हिंदु ह्रदय सम्राट स्व. बाळासाहेब ठाकरे यांची जयंती साजरी करण्यात आली. याबाबतचे सविस्तर वृत्त असे की, या कार्यक्रमाच्या अध्यक्षस्थानी समाजशास्त्र विभाग प्रमुख डॉ. सतिश ससाणे होते तर ह.भ.प. प्रो. डॉ. अनिल मुंढे व प्रो. डॉ. नागराज मुळे यांची प्रमुख उपस्थिती होती. या कार्यक्रमाचे सूत्रसंचलन सांस्कृतिक विभाग प्रमुख डॉ.बब्रुवान मोरे यांनी केले तर आभार राष्ट्रीय सेवा योजनेचे कार्यक्रमाधिकारी डॉ.पांडुरंग चिलगर यांनी मानले यावेळी चंद्रकांत शिंपी सह महाविद्यालयातील प्राध्यापक व कार्यालयीन कर्मचारी कोविड-१९ च्या नियमांचे पालन करून उपस्थित होते.