शिरूर ताजबंद ग्रा. प .चे रुपांतर नगरपंचायत मध्ये लवकरच होणार?

आ.बाबासाहेब पाटील यांच्या प्रमुख उपस्थितीत ग्रामस्थांनी ग्रामसभेत एकमुखी पाठींबा देवून ठराव मंजूर केला .

शिरूर ताजबंद (गोविंद काळे) : लातूर जिल्ह्यातील अहमदपूर तालुक्यातील सर्वात मोठी शिरूर ताजबंद ग्रामपंचायत आसलेल्या गावात प्रज्जासत्ताक दिनी सरपंच सौ. सावित्राताई कोंडीबा पडोळे यांच्या अध्यक्ष स्थानी ग्रामसभा संपन्न झाली . यावेळी राज्य पणन महासंघाचे चेअरमन तथा मतदारसंघाचे आमदार बाबासाहेब पाटील यांची प्रमुख उपस्थिती होती . यावेळी ध्वजारोहण कार्यक्रमा नंतर ग्रामसभा झाली . पत्रकार बालाजी पडोळे यांनी ग्रामसभेत गावाचा विस्तार – लोकसंख्या पाहता विकास निधी मोठा मिळाला पाहीजे . जनतेला मुलभुत सुविधा मिळाल्या पाहीजेत . ग्रामपंचायत चे रुपांतर नगरपंचायत मध्ये व्हावे असा ठराव मांडला यावेळी उपस्थित ग्रामस्थांनी टाळ्याच्या गजरात हात वर करून एकमुखी ठरावास पाठींबा दिला . सामाजिक कार्येकर्ते नारायन ईरबतनवाड यांनी ग्रामस्थांच्या वतीने अनुमोदन दिले . तसेच आमदार बाबासाहेब पाटील व सरपंच सौ. सावित्राताई पडोळे यांना पाठींबा देवून अभिनंदन केले . ग्रामविकास अधिकारी उत्तमराव भदाडे यांनी प्रोसेडिंग ला ठराव घेतला . सरपंच सावित्रा ताई पडोळे यांच्या हास्ते ध्वजारोहन कार्यक्रम पार पडला . तसेच कोरोना काळात लोका पर्यन्त जावून कॅम्प घेवून परिश्रम घेतल्या मुळे शंभर टक्के पहिला डोस व नव्वद टक्के दुसरा डोस झाला . सरपंच,सदस्य – कर्मचारी यांनी उत्कृष्ट कार्य केले म्हणुन त्यांचा आमदार पाटील यांच्या हास्ते सत्कार करण्यात आला .यावेळी उपसरपंच प्रताप पाटील , मंडळ अधिकारी चव्हाण, तलाठी नवनित जामनिक , पंचायत समिती सदस्या सौ . सुशिलाताई रमाकांत भातीकरे, सिद्धी सुगरचे संचालक सुरज पाटील , चेअरमन दिलीप वलसे सह ग्रामपंचायत सदस्य, सोसायटी संचालक, विविध संस्थांचे पदाधिकारी, व्यापारी, ग्रामस्थ, पत्रकार, माजी सैनिक, महिला मंडळ, विविध कार्यालयाचे प्रमुख, ग्रामपंचायत कर्मचारी , विविध पक्षाचे नेते – पदाधिकारी, कार्यकर्त्ये, युवा वर्ग मोठया संखेने उपस्थित होते . ग्रामविकास अधिकारी यांनी सर्वांचे आभार मानले .