डॉक्टर शरद तेलगाणे समाजभूषण पुरस्काराने सन्मानित

उदगीर (प्रतिनिधी) : उदगीर येथील सुप्रसिद्ध डॉक्टर तथा सामाजिक जाणिवा जपणारे प्रबोधनकार, कीर्तनकार राष्ट्रीय समाज पक्षाचे जिल्हा उपाध्यक्ष डॉक्टर शरदकुमार तेलगाणे यांनी केलेल्या सामाजिक कार्याची दखल घेत शिरूर ताजबंद येथे संत गाडगेबाबा प्रतिष्ठान द्वारे आयोजित केलेल्या जयंती महोत्सव समिती मध्ये डॉक्टर तेलगाने यांना समाज भूषण पुरस्काराने सन्मानित करण्यात आले.
याप्रसंगी आमदार बाबासाहेब पाटील, प्रदेश उपाध्यक्ष गणपतराव तेलंगे, जिल्हा परिषदेचे गटनेते मंचकराव पाटील, सरपंच कोंडीबा पडोळे, आबाजी तेलंगे, उपसरपंच प्रताप पाटील, रणधीर पाटील, नरसिंग कापडे, रमेश तेलंगे, कोंडीबा तेलगाणे, कचरू तेलगाणे, सुरेश तेलंगे, सिद्धेश्वर औरादे, सुभाष तेलगाणे आणि संत गाडगेबाबा प्रतिष्ठानच्या सर्व पदाधिकारी व ग्रामस्थ मोठ्या संख्येने उपस्थित होते.
डॉक्टर शरदकुमार तेलगाने यांनी निस्वार्थ भावनेने लातूर जिल्ह्यामध्ये विशेषतः उदगीर व अहमदपूर विधानसभा मतदारसंघांमध्ये मोठ्या तळमळीने समाजकार्य करून कोरोना काळात कोरोना योद्धा म्हणून हिरीरीने सहभाग घेतला. तसेच कडक उन्हाळ्यामध्ये ज्या ज्या भागात पिण्याच्या पाण्याचा प्रश्न निर्माण झाला, त्या त्या भागात स्वखर्चाने पाणीपुरवठा करण्याचे सामाजिक कार्य डॉक्टर शरदकुमार तेलगाने यांनी करून आपण या समाजाचे काही देणे लागतो. या सामाजिक बांधिलकीतून केलेल्या उत्कृष्ट कार्याची दखल संत गाडगेबाबा प्रतिष्ठानने घेतल्याबद्दल प्रतिष्ठानचे आभार व्यक्त केले जात असून एका योग्य व्यक्तीच्या कार्याचा गौरव केल्याबद्दल डॉक्टर शरदकुमार तेलगाने यांचे अभिनंदनही केले जात आहे.