पोलीसाची गचांडी धरणे पडले महाग; तीन जणांना अटक

पिंपरी (प्रकाश इगवे) : पोलिसाची गचुंडी धरून शिवीगाळ केली तसेच धाक दाखवून हात पिरगाळला सरकारी कामामध्ये अडथळा आणल्याप्रकरणी गुन्हा दाखल करून तीन जणांना अटक केली. भुजबळ वस्ती हिंजवडी येथे मंगळवारी (दि. २२) रात्री नऊच्या सुमारास ही घटना घडली. मनोहर निवृत्ती येवले (वय २१), वैभव भरत लोंढे (वय ३०), राजकुमार देविदास कांबळे (वय ३२, तिघेही रा. कस्तुरी चौक, भुजबळ वस्ती, हिंजवडी) अशी अटक केलेल्यांची नावे आहेत. याप्रकरणी पोलीस नाईक सचिन, लक्ष्मण येवले यांनी बुधवारी (दि. २३) हिंजवडी पोलीस ठाण्यात फिर्याद दिली.

अधिक माहितीनुसार भुजबळ वस्ती हिंजवडी येथे सिमेंट काँक्रिटीकरण चालू होते. तेथे सिमेंट काँक्रीटकरणचा ट्रक पाठीमागे घेण्यासाठी फिर्यादी थांबले होते. त्यावेळी ट्रक पाठीमागे जाऊनहीं आरोपींनी वाहतूक थांबविली. तसेच फिर्यादीला बावधन पोलीस चौकी येथे सरकारी कर्तव्य करण्यासाठी जाऊ न देता सरकारी कामामध्ये अडथळा निर्माण केला. फिर्यादीची गचांडी धरून शिवीगाळ केली. तसेच धाकद दाखवून फिर्यादीचा हात पिरगाळला असे फिर्यादीत नमूद आहे.