बीडच्या जगद्गुरू तुकोबाराय साहित्य परिषदेच्या पुरस्काराचे पहिले मानकरी प्राचार्य डॉ. वसंत बिरादार

परिषदेचा ‘जगद्गुरू तुकोबाराय साहित्य रत्न’ पुरस्कार जाहीर

अहमदपूर (गोविंद काळे) : येथील महात्मा फुले महाविद्यालयाचे प्राचार्य डॉ. वसंत बिरादार पाटील यांनी साहित्य व शैक्षणिक क्षेत्रात केलेल्या उल्लेखनीय कार्याबद्दल मराठा सेवा संघ प्रणित ‘जगदगुरू तुकोबाराय साहित्य परिषद’ बीड चा पहिला ‘जगदगुरू तुकोबाराय साहित्य रत्न’ हा पुरस्कार नुकताच जाहीर केला असून महाविद्यालयाच्या वतीने त्यांचा यथोचित सत्कार कररून अभिनंदन करण्यात आले.

या बाबतचे सविस्तर वृत्त असे की, यापूर्वी श्री यशवंतराव ग्रामविकास व शिक्षण प्रसारक मंडळ करकाळा ता. उमरी जि. नांदेड च्या वतीने मागील पंधरा वर्षापासून विविध क्षेत्रात उल्लेखनीय कार्य करणाऱ्या व्यक्तींना ‘लोकसंवाद पुरस्कार’ जाहीर केला असून होता.आता या दुस-या मराठा सेवा संघ प्रणित जगद्गुरू तुकोबाराय साहित्य परिषद बीड परिषदेच्या पहिल्या पुरस्काराचे मानकरी स्वामी रामानंद तीर्थ मराठवाडा विद्यापीठात उच्च शिक्षणात ‘फुले पॅटर्न’ निर्माण करणारे अहमदपूरच्या महात्मा फुले महाविद्यालयाचे प्राचार्य, शिक्षणतज्ज्ञ , मराठीचे साहित्यिक समीक्षक व ललित लेखक प्राचार्य डॉ. वसंत बिरादार पाटील हे ठरले आहेत .

या पुरस्काराचा वितरण समारंभ दि. २ फेब्रुवारी २०२१ रोजी ‘अग्निपंख’ स्पर्धा परीक्षा केंद्र, अंबाजोगाई येथे परिषदेचे जिल्हाध्यक्ष शिवश्री विश्वंभर वराट व सचिव शिवश्री प्रमोद जाधव व मान्यवरांच्या उपस्थितीत संपन्न होणार असून या पुरस्काराचे स्वरुप सन्मानचिन्ह, शाल व सन्मानपत्र असे आहे. परिषदेचा या पुरस्काराचा पहिला बहुमान महात्मा फुले महाविद्यालयाचे प्राचार्य डॉ.वसंत बिरादार पाटील यांना मिळाल्याबद्दल त्यांचा महाविद्यालयाच्या वतीने उपप्राचार्य डॉ. डी. डी. चौधरी यांच्या हस्ते सत्कार करून अभिनंदन करण्यात आले व पुढील शैक्षणिक व साहित्यिक कार्यासाठी शुभेच्छा देण्यात आल्या .

या कार्यक्रमाचे सूत्रसंचालन मराठी विभागातील सहयोगी प्रा. डॉ. अनिल मुंडे यांनी केले तर आभार राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी मानले . यावेळी डॉ. नागराज मुळे, डॉ. सतीश ससाणे, डॉ . मारोती कसाब , ग्रंथपाल प्रा. परमेश्वर इंगळे, डॉ. ए .एस. मोरे, डॉ. संतोष पाटील, डॉ. बब्रुवान मोरे , डॉ. पी. पी. चौकटे, प्रा.ए. सी. आकडे, डॉ. डी. एन. माने, डॉ. सचिन गर्जे, कार्यालय अधिक्षक प्रशांत डोंगळीकर, अजय मुरमुरे, चंद्रकांत धुमाळे, वामन मलकापुरे, शिवाजी चोपडे, चंद्रकांत शिंपी यांच्यासह महाविद्यालयातील सर्व प्राध्यापक व कार्यालयीन कर्मचारी उपस्थित होते.