चिखलीत गांजा विक्रीप्रकरणी तरुणाला अटक

पिंपरी (प्रकाश इगवे) : चिखली येथे गांजा विक्री प्रकरणी एकाला अंमली पदार्थ विरोधी पथकाने अटक केली. त्याच्याकडून कारवाईत अर्धा किलो गांजा जप्त केला आहे. ही कारवाई बुधवारी (दि. ३०) दुपारी पावणेदोन वाजता पवार वस्ती चिखली येथे केली आहे. अमित रामानंद चौधरी (वय ३५, रा. पवारवस्ती, चिखली) असे अटक केलेल्या व्यक्तीचे नाव आहे. पोलीस मनोज राठोड यांनी या प्रकरणी चिखली पोलीस ठाण्यात फिर्याद दिली आहे. पोलिसांनी आरोपीकडून ४६७ ग्रॅम वजनाचा ११ हजार ६७५ रुपये किमतीचा गांजा, तसेच दोन हजार रुपये रोख रक्कम आणि एक मोबाईल फोन असा एकूण २३ हजार ६७५ रुपयांचा ऐवज जप्त केला.