Breaking News : प्रसिद्ध बिल्डर संजय बियाणी यांच्यावर गोळीबार !!
नांदेड (प्रतिनिधी) : नांदेड मधील प्रसिद्ध बिल्डर संजय बियाणी यांच्यावर आज सकाळी अज्ञातांकडून गोळीबार झालाय. ही खळबळजनक घटना आनंदनगर परिसरातील घडलीय. गोळीबारात संजय बियाणी गंभीर जखमी झाले आहेत. मिळालेल्या माहितीनुसार, बियाणी हे आज सकाळी कामानिमित्त घराबाहेर पडत असताना अचानक दोन जण दुचाकीवर आले आणि काही कळण्याच्या आत बियाणींवर गोळीबार केला. गंभीर जखमी झालेल्या बियाणी यांना तातडीने उपचारासाठी खाजगी रुग्णालयात उपचारासाठी दाखल करण्यात आले आहे. दरम्यान, घटनेची माहिती मिळताच घटनास्थळावर पोलिस दाखल झाले. गोळीबाराचे कारण अद्याप अस्पष्ट असले तरी बियाणी यांना वर्षे भरापूर्वी बियाणींना कार्यालयात येऊन दोघांनी पाच कोटींच्या खंडणीची मागणी केली होती. त्यामुळे आता हा हल्ला खंडणीसाठी तर झाला नाही ना असा संशय पोलिसांना आहे.
About The Author
