अहमदपूर भिमोत्सव अध्यक्षपदी आदित्य गुळवे..!

अहमदपूर (गोविंद काळे) : प्रतिवर्षाप्रमाणे याहीवर्षी सह्याद्री मंचच्या वतीने भिमोत्सव सामाजिक उपक्रमाने साजरा करण्याचा मानस एका बैठकीत करण्यात आला. बैठकीत भिमोत्सव ची नूतन कार्यकारणी जाहीर करण्यात आली. विश्वरत्न डॉ. बाबासाहेब आंबेडकर यांच्या 131 व्या जयंती निमित्त भिमोत्सव साजरा करण्यासाठी नूतन कार्यकारणीची निवड करण्यात आली. बैठकीच्या अध्यक्षस्थानी मा.नगरसेवक डॉ.सिध्दार्थकुमार सूर्यवंशी होते तर प्रमुख पाहुणे म्हणून दलित चळवळीतीळ जेष्ठ नेते मा. एम. बी. वाघमारे सर, विद्रोही कवी, आर. जी. कांबळे सर, ऍड. अजिंक्य भैया चामे, कार्यकारी सभापती प्रशांत जाभाडे, शिक्षकनेते बाबासाहेब वाघमारे होते. यावेळी रमेश कांबळे, धिरज भंडे पाटील, आशुतोष कारामुंगे, संघरक्षित ढवळे, पंकज पवार, प्रवीण कसादे, पत्रकार अजय भालेराव, संतोष गायकवाड, अतुल हणमंते, मोमीन तांबोळी, उपस्थित होते. नूतन पदाधिकाऱ्यांची सर्वानुमते निवड करण्यात आली. त्यामध्ये अध्यक्षपदी आदित्य गुळवे यांची निवड करण्यात आली तर उपाध्यक्ष शंकर गडमे, सचिव म्हणून समाधान गायकवाड यांची निवड करण्यात आली. नूतन पदाधिकाऱ्यांचा यावेळी मान्यवरांच्या हस्ते सत्कार करण्यात आला. कार्यक्रमाचे सूत्रसंचालन लखन गायकवाड यांनी केले तर प्रास्ताविक सह्याद्री युवा मंचाचे अध्यक्ष मनोज मुन्ना कांबळे यांनी केले.