अहमदपूरच्या महात्मा फुले महाविद्यालयात आज समाजशास्त्राच्या आंतरराष्ट्रीय चर्चासत्र

अहमदपूर (गोविंद काळे) : येथील महात्मा फुले महाविद्यालयाच्या समाजशास्त्र विभागाच्या वतीने स्वामी रामानंद तीर्थ मराठवाडा विद्यापीठ, नांदेड व महात्मा फुले महाविद्यालय अहमदपूर जि. लातूर यांच्या संयुक्त विद्यमाने आयोजित” युगपुरुष डॉ. बाबासाहेब आंबेडकर ” या विषयावरील आंतरराष्ट्रीय ऑनलाईन चर्चासत्र चर्चासत्राचे आयोजन करण्यात आले आहे. याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या अध्यक्षतेखाली आज दि.०९ एप्रिल २०२२ सकाळी ठीक ११:०० वाजता. समाजशास्त्र विषयाच्या आंतरराष्ट्रीय चर्चासत्राचे आयोजन करण्यात आले आहे. यावेळी किसान शिक्षण प्रसारक मंडळ, उदगीरचे सचिव ज्ञानदेव झोडगे यांची व किसान शिक्षण प्रसारक मंडळ, उदगीरचे कार्यकारी संचालक, पृथ्वीराज अशोकराव पाटील एकंबेकर यांची प्रमुख उपस्थिती लाभणार असून या चर्चासत्राचे उद्घाटन रेने, जर्मनी येथील रवी वाघमारे हे करणार आहेत तसेच बीजभाषक म्हणून समाजशास्त्राचे ज्येष्ठ विचारवंत तथा मुरुड येथील संभाजी महाविद्यालयाचे माजी प्राचार्य डॉ. सुरेश वाघमारे हे आभासी तंत्रज्ञानाच्या माध्यमातून उपस्थित राहून मार्गदर्शन करणार असून या चर्चासत्रामध्ये शोधनिबंध सत्राच्या अध्यक्षस्थानी सोलापूर येथील. प्रा.डाॅ.प्रतिभा बिरादार या आहेत. तसेच या सत्रात शोध निबंध वाचक म्हणून चैताली बोरसे , कॅलिफोर्निया अमेरिका, प्रा.साधना शर्मा ,आसाम व मुंबई येथील प्रा. डाॅ. सोनाली वाखर्डे हे अभ्यासक शोधनिबंध सादर करणार आहेत. या आंतरराष्ट्रीय चर्चासत्रांमध्ये अधिकाधिक प्राध्यापकांनी, संशोधकांनी व विद्यार्थ्यांनी सहभागी व्हावे असे आवाहन महात्मा फुले महाविद्यालयाचे प्राचार्य डॉ. वसंत बिरादार पाटील यांनी व आंतरराष्ट्रीय चर्चासत्राचे संयोजक तथा समाजशास्त्र विभाग प्रमुख डॉ. सतीश ससाने यांनी केले आहे.