विस्तार अधिकारी बालाजीराव शिंदे यांची नरवटवाडी शाळेस भेट

अहमदपूर (गोविंद काळे) : तालुक्यातील नरवटवाडी जि.प.प्रा.शाळेस शनिवारी पावनेआकरा वाजता अचानक विस्तार अधिकारी बालाजीराव शिंदे यांनी भेट दिली त्यांच्या समवेत माजी केंद्रप्रमुख तथा माजी विषय तज्ञ रघुराज डाके आण्णा होते. शाळेमध्ये व गावामध्ये विद्यार्थी गुणवत्ता वाढीसाठी व शैक्षणिक वातावरण निर्मिती साठी राबविण्यात येत असलेल्या उपक्रमाची सविस्तर माहिती घेवून समाधान व्यक्त करुन शाळा भौतिक विकास व शैक्षणिक गुणवत्ता वाढीसाठी सविस्तर मार्गदर्शन केले. यावेळी विद्यार्थ्यांशी सविस्तर संवाद साधला आज शंभर टक्के विद्यार्थी उपस्थित आसलेल्या ईयत्ता पहिली व दुसरीच्या विद्यार्थ्यांना बालाजी शिंदे व रघुराज डाके यांच्या हस्ते वही व पेन बक्षीस देवुन अभिनंदन केले व नियमित उपस्थित रहाण्यासाठी मुलांना प्रेरणा दिली बालाजीराव शिंदे, रघुराज डाके यांचे विद्यार्थ्यांनी बनवलेल्या पुष्पगुच्छाने स्वागत केले याप्रसंगी सरपंच भिवराबाई एकनाथ नरवटे व गावातील जेष्ठ नागरिक तथा शिक्षणप्रेमी नागरिक बळीराम नरवटे हे उपस्थित होते. विस्तार अधिकारी बालाजीराव शिंदे यांनी मुख्याध्यापक धनंजय उजनकर व सहशिक्षीका दैवशाला तत्तापुरे यांचे अभिनंदन करुन प्रेरणा दिली.