इंडियन काँग्रेस ब्रिगेडच्या महिला आघाडीच्या जिल्हाध्यक्ष पदी बालिका मुळे

उदगीर (प्रतिनिधी) : उदगीर येथील काँग्रेसच्या सक्रिय कार्यकर्त्या तथा काँग्रेस पक्षाच्या शिक्षक सेलच्या जिल्हा अध्यक्ष बालिका मुळे यांची निवड इंडियन काँग्रेस ब्रेगेड कमिटीच्या महिला आघाडीच्या अध्यक्षपदी करण्यात आल्याचे पत्र महिला प्रदेश अध्यक्ष प्रेमकिरण विजय भट यांनी बालिका मुळे यांना पाठवले आहे. सदरील पत्रात बालिका मुळे यांच्या एकूण कामगिरीबद्दल समाधान व्यक्त करताना इंडियन काँग्रेस ब्रिगेडचे वर्किंग कमिटीचे प्रदेशाध्यक्ष चंद्रशेखर पाटील यांच्या सूचनेनुसार इंडियन काँग्रेस ब्रिगेडच्या वर्किंग कमिटीच्या महिला जिल्हाध्यक्षपदी बालिका मुळे यांची निवड केल्याचे सदरील पत्रात नमूद करण्यात आले आहे. तसेच आपण आजपर्यंत ज्या आदर्श मूल्यांची जपणूक करत काँग्रेस पक्षाचे काम केले आहे, तीच भूमिका पुढे कायम ठेवत काँग्रेसच्या ध्येयधोरणांची माहिती प्रत्येक घराघरापर्यंत पोहोचवून काँग्रेस ब्रिगेड वर्किंग कमिटीचे काम आपण दर्जेदार पुढे कराल अशी अपेक्षाही व्यक्त करण्यात आलेली आहे.
भारतीय काँग्रेस पार्टीच्या अध्यक्ष श्रीमती सोनिया गांधी, राहुल गांधी यांच्या विचारांना मजबूत करत आपण काम कराल अशी अपेक्षा व्यक्त करून बालिका मुळे यांना शुभेच्छाही देण्यात आल्या आहेत. श्रीमती बालिका मुळे यांच्या निवडीबद्दल उदगीर काँग्रेस कमिटीच्या वतीने त्यांचे अभिनंदन करण्यात आले आहे. एका शिक्षिकेचा हा गौरव असल्यामुळे शिक्षक वर्गातूनही बालिका मुळे यांच्यावर अभिनंदनाचा वर्षाव होत आहे.