संजय राठोड एक योद्धा नेतृत्व – सतीश उस्तुरे
उदगीर (प्रतिनिधी) : उदगीर तालुक्यात वेगवेगळे पक्ष सक्रिय असून अनेक पक्षातील कार्यकर्ते हे आपले तत्व प्रमाणमाणून कार्य करत असतात. असे असले तरीही अत्यंत आक्रमक आणि सत्याला न्याय मिळवून देण्यासाठी महाराष्ट्र नवनिर्माण सेनेच्या माध्यमातून गेल्या कित्येक वर्षापासून संजय राठोड यांनी अगदी निर्भीडपणे काम केले आहे करत आहेत.
आज पर्यंत केलेल्या त्यांची पक्षनिष्ठा आणि एकूण कामकाजाचा दाखला म्हणूनच पक्षाने पक्षाध्यक्ष राजसाहेब ठाकरे यांच्या आदेशानुसार लातूर जिल्ह्याची जबाबदारी सोपवली आहे. लातूर जिल्हा अध्यक्ष म्हणून ते अत्यंत कर्तबगार पणे काम करतील असा विश्वास मातृभूमी प्रतिष्ठानचे संस्थापक, मातृभूमी नर्सिंग स्कूल, कस्तुरबाई नर्सिंग स्कूल, मातृभूमी सीबीएससी स्कूल अशा अनेक संस्था स्थापन करणारे आणि शिक्षण क्षेत्रात प्रगती करणारे सतीश उस्तुरे यांनी व्यक्त केला आहे. ते महाराष्ट्र नवनिर्माण सेनेच्या जिल्हाध्यक्षपदी संजय राठोड यांची निवड झाल्याबद्दल सत्कार प्रसंगी बोलत होते.
जे जे चांगले, त्यांचे स्वागत आम्ही करू. हे धोरण ठेवून मातृभूमी प्रतिष्ठान कार्य करत असते. त्याचाच एक भाग म्हणून संजय राठोड यांचा सत्कार याठिकाणी करण्यात आला. याप्रसंगी मातृभूमी प्रतिष्ठानचे संस्थापक अध्यक्ष सतीश उस्तुरे, सौ उस्तुरे, कुलकर्णी याही उपस्थित होत्या. महाविद्यालयाच्या वतीने संजय राठोड यांना भावी आयुष्याच्या शुभेच्छा देण्यात आल्या.
सत्काराला उत्तर देताना संजय राठोड यांनी स्पष्ट केले की, गेल्या कित्येक वर्षापासून जिल्हा उपाध्यक्ष म्हणून अत्यंत निष्ठेने आणि प्रामाणिकपणे कार्य केले आहे. तळागाळातील कार्यकर्त्यांना न्याय मिळवून देणे असेल किंवा शासकीय भूमिकेच्या विरोधात, जनहिताच्या भूमिका असतील, पक्ष अध्यक्ष राज साहेब ठाकरे यांचा आदेश प्रमाण माणून आपण कार्य केले आहे. भविष्यात देखील आदर्श कार्य करून दाखवू. पक्षश्रेष्ठींनी आपल्याला फार मोठी जबाबदारी सोपवली आहे. याची जाणीव आपण कायम ठेवून पक्षाला खाली मान घालावी लागेल असे कोणतेही कृत्य कदापि आपल्या हातून होणार नाही. असा विश्वासही याप्रसंगी संजय राठोड यांनी बोलून दाखवला. कार्यक्रमाचे सूत्रसंचालन आभार प्रदर्शन प्राध्यापक बिभीषण मद्येवाड यांनी केले.
About The Author
